Жоба
ҚАЗАҚСТАН РЕСПУБЛИКАСЫНЫҢ
ЗАҢЫ
Қазақстан Республикасында агроөнеркәсiптiккешендi және ауылдық аумақтарды дамытуды мемлекеттік реттеу туралы
ҚР Үкіметінің 2005.29.04. № 404 қаулысымен ҚР Парламентi Мәжілісiнiң қарауына енгізiлді
Осы Заң Қазақстан Республикасында агроөнеркәсiптiк кешендi және ауылдық аумақтарды дамытуды мемлекеттік реттеудi iске асырудың құқықтық, ұйымдастыру және экономикалық негіздерiн белгiлейдi.
1-бап. Негiзгі ұғымдар
Осы Заңда мынадай негiзгі ұғымдар пайдаланылады:
1) аграрлық өнеркәсiп кешенi - ауыл, балық шаруашылығы және тамақ өнеркәсiбi (алкоголь және темекi өнiмiнен басқа) өнiмiн өндiрудi, дайындауды, сақтауды, тасымалдауды, қайта өңдеудi, сондай-ақ оларды техникамен, технологиялық жабдықпен, ақша, ақпарат және басқа ресурстармен қамтамасыз ететiн бағыттас өндiрiстер мен қызмет салаларын, ветеринариялық және фитосанитариялық қауiпсiздiктi, ғылыми қызмет көрсетудi және кадрлар дайындауды қамтитын экономика салаларының жиынтығы;
2) мемлекеттік техникалық инспекция тракторларды және олардың базасында жасалған өзi жүретiн шассилер мен механизмдердi олардың тiркемелерiн, соған қоса арнайы жабдық орнатылған тiркемелердi, өзi жүретiн ауыл шаруашылығы, мелиоративтiк және жол-құрылысы машиналары мен механизмдерiн, сондай-ақ өткiштiгi жоғары арнайы машиналарды тиiстi құжаттарды және мемлекеттік нөмiрлік белгілердi бере отырып мемлекеттік тiркеуден, мемлекеттік техникалық тексеруден өткiзедi, көрсетілген көлiк құралдарымен және тiркемелердi пайдаланушы тұлғаларды тiркейдi және есепке алады, сонымен қатар сенiмхат бойынша емтихан қабылдайды және машинаны жүргізуге құқығы бар куәлiк бередi, сондай-ақ оларды өткізудің тәртібін анықтайды;
3) сатып алу операциялары - бағаның күрт төмендеуi кезеңiнде iшкi рынокты тұрақтандыру, iшкi рынокты реттеу және ауыл шаруашылығы өнiмiн экспорттық жеткiзіп берудi қамтамасыз ету мақсатында бекітілген баға бойынша ауыл шаруашылығы өнiмiн сатуды ұйымдастыру және жүргiзу жөнiнде мемлекет жүзеге асыратын iс-шаралар;
