Жоба
Қазақстан Республикасының Заңы
Қазақстан Республикасының кейбір заңнамалық
актілерiне банкроттық мәселелерi бойынша
толықтырулар мен өзгерістер енгізу туралы
ҚР Үкіметінің 2005.30.04. № 415 қаулысымен ҚР Парламентi Мәжілісiнің қарауына енгiзiлді
1-бап. Қазақстан Республикасының мынадай заңнамалық актілерiне толықтырулар мен өзгерістер енгiзілсін:
1. Қазақстан Республикасының Жоғарғы Кеңесi 1994 жылғы 27 желтоқсанда қабылдаған Қазақстан Республикасының Азаматтық кодексiне (Жалпы бөлiм) (Қазақстан Республикасы Жоғарғы Кеңесінің Жаршысы, 1994 ж., № 23-24 (қосымша); 1995 ж., № 15-16, 109-құжат; № 20, 121-құжат; Қазақстан Республикасы Парламентiнiң Жаршысы, 1996 ж., № 2, 187-құжат, № 14, 274-құжат; № 19, 370-құжат; 1997 ж., № 1-2, 8-құжат; № 5, 55-құжат; № 12, 183, 184-құжат; № 13-14, 195, 205-құжат; 1998 ж., № 2-3, 23-құжат; № 5-6, 50-құжат; № 11-12, 178-құжат; № 17-18, 224, 225-құжат; № 23, 429-құжат; 1999 ж., N 20, 727, 731-құжат; № 23, 916-құжат; 2000 ж., № 18, 336-құжат; № 22, 408-құжат; 2001 ж., № 1, 7-құжат; № 8, 52-құжат № 17-18, 240-құжат; № 24, 338-құжат; 2002 ж., № 2, 17-құжат; № 10, 102-құжат; 2003 ж., № 1-2, 3-құжат; № 11, 56, 57, 66-құжат; № 15, 139-құжат; № 19-20, 146-құжат; 2004 ж., № 6, 42-құжат; № 10, 56-құжат; № 16, 91-құжат; № 23, 142-құжат):
1) 50-баптың 1-тармағы ", тiркеу орыны бойынша салық және кеден органына" деген сөздермен толықтырылсын;
2) мынадай мазмұндағы 54-1-баппен толықтырылсын:
"54-1. Сырттай байқау
Сырттай байқау рәсiмін сот мынадай мақсаттарда енгізуi мүмкiн:
борышкер мүлкiнiң сақталуын қамтамасыз ету;
әдейi банкроттық белгiлерiн анықтау;
борышкердiң қаржылық жағдайына және кредиторлар алдында мiндеттемелердi орындаудан жалтару жөнiнде iс-әрекеттерiне талдау жүргiзу;
кредиторлар тарапынан борышкердiң қаржылық-шаруашылық қызметiнің жай-күйiне және олардың қайта ұйымдастырылған рәсiмдерiн жүргiзу;
