Қазақстан Республикасы Ғылым
министрi - Ғылым академиясы
1997 жылғы 26 мамырдағы № 118
бұйрығымен
бекітілді
Осы редакция 2005 ж. 19 мамырдағы енгізілген өзгерістеріне дейін қолданылды
Ғылым мен техниканы дамытуға аса зор үлес қосқан ғалымдар
мен дарынды жас ғалымдарға мемлекеттік стипендиялар
төлеу тәртібі туралы
НҰСҚАУЛЫҚ
1. Бұл Нұсқаулық Қазақстан Республикасы Үкіметінiң 1996 ж. 09.12 № 1501 қаулысымен бекітілген мемлекеттік ғылыми стипендиялар туралы Ереженi орындау үшiн шығарылды (ҚР ПҮАЖ-ы, 1996 ж., № 50, 488-бап).
2. Мемлекеттік ғылыми стипендиялар мөлшерi және оны алу үшiн конкурс өткізу тәртібі Қазақстан Республикасы Үкіметінiң "ғылым мен техниканы дамытуға аса зор үлес қосқан ғалымдар мен мамандар және дарынды жас ғалымдарды мемлекеттік қолдау шаралары туралы" 1996 ж. 28.08. № 1063 қаулысында белгiленген (ҚР ПҮАЖ-ы, 1996 ж., № 35, 338-бап).
3. Мемлекеттік ғылыми стипендиялар, тәртiп бойынша Ғылым министрлігі - ғылым академиясының тиiстi мекемелер мен ұйымдар басшыларымен келісімi бойынша белгiленген мерзiмге стипендиаттың негiзгi жұмыс орнына керектi соманы аудару жолымен төленедi.
4. Мемлекеттік ғылыми стипендияны төлеу бiр немесе екi жылдан кейiн стипендиаттың өткен жылғы жұмысы туралы есебiн тыңдаған ғылыми (ғылыми, ғылыми-техникалық) кеңестiң тиiстi ұсынымы негiзiнде тоқтатылуы мүмкiн.
5. Ғалыми (ғылыми, ғылыми-техникалық) кеңестер мемлекеттік ғылыми стипендияны ұзарту болмаса оны төлеудi мерзiмiнен бұрын тоқтату туралы ұсынымдарын ғылым министрлігі - Ғылым академиясына жыл сайын стипендиатқа стипендия төлене басталған айдың 15-iне дейiн тапсырады.
