«Мемлекеттік органдардың, стандарттау жөніндегі техникалық комитеттердiң
және сәйкестiктi растау жөніндегі органдардың қатысуымен сәйкестiктi растау және аккредиттеу саласында жұмыстар жүргiзу
ережесін бекіту туралы» Қазақстан Республикасы Индустрия және сауда министрлігі Техникалық реттеу және метрология комитет Төрағасының 2005 жылғы 13 мамырдағы № 136 бұйрығына толықтырулар енгізу туралы
Қазақстан Республикасы Индустрия және сауда министрлігі Техникалық
реттеу және метрология комитетінің 2005 жылғы 18 тамыздағы № 226 Бұйрығы
ҚР Индустрия және жаңа технологиялар министрінің 2010 жылғы 14 желтоқсандағы № 432 бұйрығымен күші жойылды
«Техникалық реттеу туралы» Қазақстан Республикасы Заңының 7-бабына сәйкес БҰЙЫРАМЫН:
1. «Мемлекеттік органдардың, стандарттау жөніндегі техникалық комитеттердiң және сәйкестiктi растау жөніндегі органдардың қатысуымен сәйкестiктi растау және аккредиттеу саласында жұмыстар жүргiзу ережесін бекіту туралы» Қазақстан Республикасы Индустрия және сауда министрлігі Техникалық реттеу және метрология комитет Төрағасының 2005 жылғы 13 мамырдағы № 136 бұйрығына (Қазақстан Республикасының нормативтік құқықтық актілерінің тізілімінде № 3657 болып тіркелген) мынадай толықтырулар енгізілсін:
Көрсетілген бұйрықпен бекітілген Мемлекеттік органдардың, стандарттау жөніндегі техникалық комитеттердiң және сәйкестiктi растау жөніндегі органдардың қатысуымен сәйкестiктi растау және аккредиттеу саласында жұмыстар жүргiзу ережесіне (бұдан әрі Ереже):
Ереженің кіріспесі мынадай редакцияда жазылсын:
«Осы Ереже Қазақстан Республикасының «Техникалық реттеу туралы» Заңының 7-бабына сәйкес әзірленген және сәйкестікті растау және аккредиттеу саласындағы жұмыстарды жүргізу кезінде мемлекеттік органдардың, стандарттау жөніндегі техникалық комитеттердің, сәйкестікті растау жөніндегі аккредиттелген органдардың, сәйкестікті растау жөніндегі сарапшы-аудиторлардың, техникалық реттеу және метрология саласындағы уәкілетті органның, оның аумақтық органдарының және импорттаушылардың өзара әрекеттерін белгілейді.»;
