ТТК Түсіндірмелер жөніндегі
тұрақты комитет
9-ТТК
түсіндірмесі
Бизнесті біріктірулер - мүдделерді сатып
алу немесе біріктіру ретінде жіктеу
1-«Қаржы есептілігін ұсыну»ХБЕС-ның 11-параграфына сәйкес «қаржы есептілігі қолданылатын әрбір стандарттың және Түсіндірмелер жөніндегі тұрақты комитеттің қолданылатын әрбір түсіндірмесінің барлық талаптарына сәйкес келмесе, Халықаралық бухгалтерлік есеп стандартына сәйкес келетін есептеме ретінде сипатталуға тиіс емес». ТТК түсіндірмелері елеулі емес баптарға қолдануға арналмаған.
Сілтеме: 22-«Бизнес бірлестіктері»ХБЕС (1).
МӘСЕЛЕ
1. Бизнестің біріктірулерін жіктеу үшін 22-ХБЕС-да (1998 жылғы редакция) («22-ХБЕС») 8-параграфта жалпы анықтамалар, сондай-ақ 10-12-параграфтарда сатып алулар үшін және 13-16-параграфтарда мүдделерді біріктіру үшін қосымша басшылық бар. 22-ХБЕС-да сатып алушы компанияны іс жүзінде барлық жағдайларда анықтауға болатыны, сондықтан мүдделерді ерекше жағдайларда ғана біріктіруге болатыны айқын көрсетілген. Алайда стандартта анықтамалар мен мүдделерді сатып алулар мен біріктірулер жөніндегі басшылық бар екі бөлім арасындағы өзара іс-қимыл туралы айқын басшылық берілмеген.
2. Мәселе мынада:
(а) анықтамалар мен қосымша басшылық 22-ХБЕС-да қалай түсіндірілуге және бизнесті біріктіру кезінде қалай қолданылуға тиіс; және
(b) бизнестің бірігуін 22-ХБЕС бойынша сатып алу ретінде де, мүдделерді біріктіру ретінде де жіктемелемеуге бола ма.
3. Осы түсіндірме жалпы бақылаудағы кәсіпорындар арасындағы операцияларға қатысты емес.
КОНСЕНСУС
4. Бизнестің біріктірілуі, сатып алушы компанияны анықтауға болмайтыннан басқа жағдайларда, сатып алу ретінде ескерілуге тиіс. Іс жүзінде бизнестің барлық бірігулері кезінде сатып алушы анықтауға болады, яғни бірігуші кәсіпорындар бірінің акционерлері біріккен кәсіпорынға бақылау алады.
