«Қазақстан Республикасы Білім министрлігі мен Мысыр Араб Республикасы
Білім министрлігі арасындағы білім саласы бойынша
Қарым-қатынастар туралы» келісім шарт
(1992 ж. 21 тамыз)
Қазақстан Республикасының Білім министрлігі мен Мысыр Араб Республикасының Білім министрлігі Қазақстан Республикасы мен Мысыр Араб Республикасы арасында достық қарым-қатынастарды дамытып, нығайту ниетімен, білім саласында біліктілік деңгейін көтеру және ортақ мақсаттар негізінде өз ара ғылыми-зерттеу жұмыстарын жүргізу ниетімен төмендегі мәселелер бойынша келісті:
1 бап
Екі Тарап ғылым, білім саласындағы өз ара қарым-қатынастар және алмасуларын төмендегі мәселелер бойынша жүргізеді:
Білім саласының аса маңызды бағыттарындағы жетістіктері мен ондағы басқару, ұйымдастыру ісіндегі озық тәжірибе алмасу;
Ғылым мен технология саласындағы өз ара байланыстарды және қарым-қатынастарды нығайтып, олардың тиімділігін арттыру;
Студенттер, аспиранттар, оқытушылар, зерттеушілер мен ғалымдар алмасу.
2 бап
Тараптар екі ел университеттері мен оқу мекенелерінің екі жақты келісім жасауы арқылы тікелей байланыс орнатып, қарымқатынас жасауына ұйытқы болады.
3 бап
Тараптар ортақ ғылыми-зерттеу жұмыстарын жүргізуді демеп, білім саласын дамытуға байланысты мағлуматтар алмасуға ұйытқы болады.
4 бап
Мысыр тарапы жыл сайын өз университтерінде экономика, сауда, араб тілі мен әдебиеті, исламтану, сондай-ақ техника ғылымдары мен Қазақстан тарапының қажеттіне сәйкес келетін басқа да ғылым салаларына оқуға жалпы саны жиырма орын бөліп отырады.
5 бап
Қазақстан тарапы Мысыр тарапының қажетіне сәйкес жыл сайын өз аспирантураларында оқып, ғылыми дәреже қорғау үшін жиырма орын бөліп отырады.
6 бап
Екі Тарап жыл сайын өз қажетіне сәйкес тіл пәндерінің студенттері мен оқытушыларын, сондай-ақ жоғары оқу орындарында басқа да мамандықтар бойынша жұмыс жасайтын оқытушларды бір жыл мерзімнен аспайтын оқу курстарына өз ара келісім арқылы жіберіп отырады.
7 бап
