Қазақстан Республикасының ?кіметi мен
Латвия Республикасы Үкіметінiң арасында
Қазақстан Республикасының жүктерiн өңдеу мен
тасымалдауға Латвия Республикасының порттарын
пайдалану туралы Келісім
(Алматы қаласы, 1998 ж. 19 мамыр)
ҚР Үкіметінің 1999.20.08. № 1217 Қаулысымен бекітілді
Қазақстан Республикасының ?кіметi мен Латвия Республикасының ?кіметi, бұдан әрi "Келiсушi Тараптар" деп аталынатын,
1994 жылғы 13 қазандағы Қазақстан Республикасының ?кіметi мен Латвия Республикасы Үкіметінiң арасындағы саудалық-экономикалық ынтымақтастық туралы Келісімдi назарға ала және екi мемлекет арасында теңдестiк және өзаралық пайда келтiру негiзiнде экономикалық ынтымақтастықты дамытуға ынталана отырып,
екi мемлекет арасында көлiктiк байланыстарды нығайту мен дамытуды қалай отырып,
төмендегiлер туралы келiстi:
1-бап
Осы Келісімнiң шеңберiнде:
1. "порт" атауы Латвия Республикасының белгiленген шекаралы құрлық аумағын, оған қоса жасанды үйiндiлердi және iшкi су жолдарының бөлiгiн, кемелерге және жолаушыларға қызмет көрсетуге, жүк, экспедиторлық iс-қимылды және кеме қатынасының шаруашылық қызметiне байланысты басқаларын жүзеге асыруға жабдықталған порт маңайындағы iшкi және сыртқы рейдтер мен құрлық жолдарды бiлдiредi;
2. "құзырлы органдар" атауы Қазақстан Республикасына қатысты - Көлiк және коммуникациялар министрлігін немесе солармен уәкiлденген органды, ал Латвия Республикасына қатысты - Қатынас министрлігін немесе олармен уәкiлденген органды бiлдiредi;
3. "жүк" атауы түрiне, пайда болу тегi мен көлемiне қатысы жоқ кез келген жүктi бiлдiредi, егер ол:
а) Латвия Республикасының теңiз портына Қазақстан Республикасының заңды немесе жеке тұлғаларымен үшiншi елдерге жiберу үшiн жөнелтiлген жағдайда;
б) Латвия Республикасының теңiз портына, оның кейiнгi жүру маршрутына қарамастан Қазақстан Республикасының заңды немесе жеке тұлғаларының атына келген жағдайда.
