Жоба
Қазақстан Республикасы Ұлттық қорының
сыртқы аудитiн жүргiзуге арналған
№ ____ шарт
ҚР Үкіметінің 2005 жылғы 15 қарашадағы № 1130 Қаулысымен мақұлданды
Астана қаласы 2005 жылғы "___"__________
Бұдан әрi "Тапсырысшы" деп аталатын Қазақстан Республикасы Үкіметінiң 2001 жылғы 26 шілдедегі № 1011 қаулысымен бекітілген Қазақстан Республикасы Ұлттық қорының жыл сайынғы сыртқы аудитiн жүргізу үшiн тәуелсіз аудиторды таңдау ережесiнiң 63-тармағына және Қазақстан Республикасы Үкіметінiң 200__ жылғы "___"_______ № _ қаулысына сәйкес Қазақстан Республикасының Үкіметі атынан әрекет ететiн, Қазақстан Республикасы Қаржы министрлігі тұлғасында Қазақстан Республикасының Қаржы министрі Дунаев Арман Ғалиасқарұлы, бір тараптан және бұдан әрi "Аудитор" деп аталатын Қазақстан Республикасының заңнамасына сәйкес аудиторлық ұйым болып табылатын 2005 жылғы 9 тамыздағы № 5 хаттамаға сәйкес Қазақстан Республикасы Ұлттық қорының жыл сайынғы сыртқы аудитiн жүргiзу үшiн тәуелсіз аудиторды таңдау жөніндегі конкурс комиссиясының шешiмiмен конкурс жеңiмпазы деп танылған "КПМГ Жанат" жауапкершiлiгi шектеулi серiктестiгінің атынан 2005 жылғы 24 ақпандағы сенiмхаттың, аудиторлық қызметпен айналысуға арналған № 0000052 бac лицензияның негiзiнде әрекет ететiн бас директордың аудит жөніндегі орынбасары Вилсон Митчелл, екiншi тараптан төмендегілер туралы Қазақстан Республикасы Ұлттық қорының сыртқы аудитiн жүргізуге арналған шарт (бұдан әрi - Шарт) жасасты.
1. Шарттың мәнi
1. Аудитор Шарттың және халықаралық аудит стандарттарының талаптарына сәйкес Қазақстан Республикасы Ұлттық қорының (бұдан әрi - Қор) 2005 және 2006 жылдардағы жылдық қаржылық есептiлігінiң аудитiн (бұдан әрі - Аудит) жүргiзуге міндеттенеді, ал Тапсырысшы Аудит нәтижелерiн қабылдауға және оларды Шартта белгіленген тәртiппен және мерзiмде төлеуге мiндеттенедi.
