«№1085 болып тіркелген «Қоғам қауіпсіздігін қамтамасыз етудегі, қылмыстың жолын
кесу мен оны ашудағы, сонымен қатар іздестіру жұмыстарының белсенділігін арттырудағы
жол полициясының іс-әрекетін жетілдіру туралы» Қазақстан Республикасы Ішкі істер министрінің
1999 жылғы 10 қарашадағы № 568 бұйрығына өзгерістер мен толықтырулар енгізу туралы»
Қазақстан Республикасының ішкі істер Министрлігінің 2005 жылғы 7 шілдедегі № 419 Бұйрығы
ҚР Ішкі Істер Министрлігінің 2007 жылғы 1 ақпандағы № 35 бұйрығымен күші жойылды
Автомобиль жолдарындағы жол полициясының қызметін одан әрі жетілдіру мақсатында БҰЙЫРАМЫН:
1. «Қоғам қауіпсіздігін қамтамасыз етудегі, қылмыстың жолын кесу мен оны ашудағы, сонымен қатар іздестіру жұмыстарының белсенділігін арттырудағы жол полициясының іс-әрекетін жетілдіру туралы» Қазақстан Республикасы Ішкі істер министрінің 1999 жылғы 10 қарашадағы № 568 бұйрығына (2003 жылғы 17 наурызда № 1085 болып тіркелген, Қазақстан Республикасы Ішкі істер министрінің 2000 жылғы 27 қыркүйектегі № 519 бұйрығымен өзгерістер енгізілген) мынадай өзгерістер мен толықтырулар енгізілсін:
осы бұйрықтың 1, 2-қосымшаларына сәйкес 1, 4-қосымшалар ауыстырылсын;
мынадай мазмұндағы 2-1 2-6 тармақтарымен толықтырылсын:
«2-1. Республикалық маңызы бар автожолдарда жол полициясы патрульдік жасақтарының қызмет өткеруі бірыңғай орналасу жүйесі қағидаты бойынша ұйымдастырылсын.
2-2. Облыстардың және Астана қаласының Ішкі істер департаменттері (бұдан әрі IIД) бастықтарының бұйрықтарымен тұрақты негізде дербес:
Республикалық маңызы бар автожолдарда жол полициясы жасақтарының орналасуына сәйкес нақты патрульдік учаскеге жол полициясы саптық бөлімшелерінің жеке құрамы мен автокөлігі;
нұсқамалар жүргізу және желідегі қызмет өткеруді бақылау үшін саптық бөлімшелердің және ІІД жол полициясы басқармасы аппаратының басшы құрамы қатарынан белгіленген патрульдік учаскелердің әрқайсысына жауапты адам бекітілсін.
