Қазақстан Республикасы
Қаржы министрлігінің Салық комитеті
Төрағасының 2005 жылғы
12 желтоқсандағы
№ 554 бұйрығымен бекітілген
ҚР Қаржы министрлігі Салық комитеті Төрағасының 2006 жылғы 13 желтоқсандағы № 637 бұйрығымен күші жойылды
Жоғарғы қабаттағы көздерден су ресурстарын пайдаланғаны
үшін Декларация жасау ережелері
1. Жалпы ережелер
1. Осы Ережелер “Салық және бюджетке төленетін басқа да міндетті төлемдер туралы” Қазақстан Республикасының Кодексіне (Салық кодексі) сәйкес әзірленген және қоса берілген нысандарды енгізетін (бұдан әрі-нысандар) жоғарғы қабаттағы көздерден су ресурстарын пайдаланғаны үшін төлем бойынша Декларация жасау тәртібін қарастырады:
1) 860.00 нысан бойынша жоғарғы қабаттағы көздерден су ресурстарын пайдаланғаны үшін төлем бойынша Декларация (бұдан әрі - 860.00 нысаны бойынша Декларация);
2) 860.01 нысан бойынша жоғарғы қабаттағы көздерден су ресурстарын пайдаланғаны үшін төлем бойынша Декларацияға қосымша (бұдан әрі - 860.01 нысаны бойынша қосымша).
2. 860.00 нысаны бойынша Декларация жоғарғы қабаттағы көздерден су ресурстарын пайдаланғаны үшін төлемнің жалпы сомасынан мәлімдеуге арналған.
860.01 нысаны бойынша қосымша арнайы су пайдаланудың әрбір түрі бойынша жоғарғы қабаттағы көздерден су ресурстарын пайдаланғаны үшін төлем сомасын айқындауға арналған.
3. Арнайы су пайдаланудың бірнеше түрлерін жүзеге асыру кезінде арнайы су пайдаланудың әрбір түрі бойынша 860.01 нысаны бойынша қосымшаның жеке парағы толтырылады. Бұл ретте, 860.01 нысаны бойынша қосымшаның жалпы парақтарының саны арнайы су пайдалану түрлерінің санына сәйкес келуі керек.
4. Нысанды жасау кезінде:
1) қара немесе көк сиялы қаламмен немесе қаламұшпен, баспа әріптермен немесе баспа құрылғысын пайдалана отырып толтырылады;
2) электрондық тасығышта - нысандар Салық кодексінің 69-бабына сәйкес толтырылады.
5. Нысандарды толтыру кезінде түзетулерге, тазартуларға, өшіруге жол берілмейді.
6. Көрсеткіштер жоқ болған кезде нысандардың тиісті тор көздері толтырылмайды.
