«Қазақстан Республикасының мемлекеттік мекемелерге арналған бухгалтерлік құжат нысандарының альбомын бекіту туралы» Қазақстан Республикасы
Қаржы министрлігі Қазынашылық департаменті директорының 1998 жылғы 1 желтоқсандағы № 548 бұйрығына толықтырулар мен өзгерістер енгізу туралы
Қазақстан Республикасы Қаржы министрлігі Қазынашылық комитеті Төрайымының 2005 жылғы 17 қарашадағы № 50 Бұйрығы
ҚР Қаржы министрінің 2011 жылғы 24 ақпандағы № 95 бұйрығымен 2013 жылғы 1 қаңтардан бастап күші жойылды
БҰЙЫРАМЫН:
1. «Қазақстан Республикасының мемлекеттік мекемелерге арналған бухгалтерлік құжат нысандарының альбомын бекіту туралы» Қазақстан Республикасы Қаржы министрлігі Қазынашылық департаменті директорының (Нормативтік құқықтық актілерді мемлекеттік тіркеу тізілімінде № 677 тіркелген, Қазақстан Республикасының Қаржы министрлігі Қазынашылық комитетінің 2000 жылғы 18 қыркүйектегі № 405 бұйрығымен өзгерістер енгізілген - Нормативтік құқықтық актілерді мемлекеттік тіркеу тізілімінде № 1258 тіркелген) 1998 жылғы 1 желтоқсандағы № 548 бұйрығына мынадай толықтырулар мен өзгерістер енгізілсін:
көрсетілген бұйрықпен бекітілген, Қазақстан Республикасының мемлекеттік мекемелеріне арналған бухгалтерлік құжат нысандарының альбомында:
1 «Активтер» бөлімінде:
«Мемлекеттік мекемелердегі активтерді есептен шығаруға арналған акт № ОС-3 бюдж. нысан», «Автокөлік құралдарын есептен шығаруға арналған акт № OC-4 нысан», «Төсенішті, төсек-орын жабдықтарын, киімдер мен аяқ киімдерді, құралдарды, өндірістік және шаруашылық құрал-саймандарын баланстан есептен шығаруға арналған акт № 443 нысан», «Мемлекеттік мекемелерде кітапханадан шығарылған әдебиеттерді есептен шығаруға арналған акт № 444» кіші бөлімдері мынадай мазмұндағы абзацпен толықтырылсын:
«Келісілді» белгісі мемлекеттік мекемелер мүлкін есептен шығаруға арналған актілер мемлекеттік басқару органдарымен келісілген жағдайда толтырылады.";
