ТМД-ға қатысушы мемлекеттердің өзара саудадағы шектеулердің
күшін кезең-кезеңімен жою туралы
Хаттама
(Тбилиси қ. 2005 ж. 3 маусым)
2011 ж. 18 қазандағы еркін сауда аймағы туралы шарт күшіне енгеніне байланысты күші жойылды
Хаттаманы ратификациялау туралы ҚР Заңының жобасы ҚР Үкіметінің 2006.06.06. № 513 Қаулысымен ҚР Парламенті Мәжілісінің қарауына енгізілді
Бұдан әрі Тараптар деп аталатын Тәуелсіз Мемлекеттер Достығына қатысушы мемлекеттердің Yкіметтері,
өзара тауар айналымын арттыру, ТМД-ға қатысушы мемлекеттер халықтарының тұрақты экономикалық өсімі және әл-ауқатының көтерілуін қамтамасыз ету қажеттілігін назарға ала отырып,
алдын ала ескерілген ТМД-ға қатысушы мемлекеттердің өзара саудадағы тарифтік және тарифтік емес шектеулердің күшін кезең-кезеңімен жою көзделген, 1994 жылғы 15 сәуірдегі Еркін сауда аймағын құру туралы келісімнің және 1999 жылғы 2 сәуірдегі оған өзгерістер мен толықтырулар енгізу туралы хаттаманың ережелерін мүлтіксіз орындауға үлкен мән бере отырып,
төмендегілер туралы келістi:
1. ТМД-ға қатысушы мемлекеттердің өзара саудадағы шектеулер күшін жоюдың мынадай шектік мерзімдері бекітілсін:
1.1. Импорт кезіндегі еркін сауда режимінің тарифтік шектеулері (алып қоюлары) бойынша:
1.1.1. 2006 жылғы 1 шілдеден кешіктірмей арақ (ТМД СЭҚ ТН 2208 60), темекі және темекі бұйымдары (ТМД-ның сыртқы экономикалық қызметінің тауар номенклатурасының коды (бұдан әрі - ТМД СЭҚ ТН) 2402) бойынша екі жақты хаттамалармен тіркелген алып қоюлардың күші жойылсын. Әзірбайжан Республикасы, Қазақстан Республикасы және Ресей Федерациясы 2012 жылғы 1 қаңтарынан кешіктірмей екі жақты саудада қолданатын темекі және темекі бұйымдары (ТМД СЭҚ ТН коды 2402) бойынша алып қоюлардың күшін жояды.
1.1.2. 2007 жылғы 1 қаңтардан кешіктірмей ашытылған сыра бойынша (ТМД СЭҚ ТН коды 2203) екі жақты хаттамалармен тіркелген алып қоюлардың күші жойылсын.
