«Мемлекеттік сатып алу мәселелері бойынша есеп беруді жасау және ұсыну ережесін
бекіту туралы» Қазақстан Республикасы Қаржы министрінің
2005 жылғы 7 қазандағы № 357 бұйрығына өзгерістер мен толықтыру енгізу туралы»
Қазақстан Республикасы Қаржы министрінің 2006 жылғы 7 маусымдағы
№ 202 Бұйрығы
ҚР Қаржы министрінің 2008.15.04. №179 бұйрығымен күші жойылды
Мемлекеттік сатып алу жөніндегі уәкілетті органға мемлекеттік сатып алу мәселелері бойынша есеп беруді жасау және ұсыну тәртібін жетілдіру мақсатында БҰЙЫРАМЫН:
1. «Мемлекеттік сатып алу мәселелері бойынша есеп беруді жасау және ұсыну ережесін бекіту туралы» Қазақстан Республикасы Қаржы министрінің 2005 жылғы 7 қазандағы № 357 бұйрығына (нормативтік құқықтық актілерді мемлекеттік тіркеу Тізілімінде № 3909 болып тіркелген, «Заң газеті» газетінде 2005 жылғы 15 желтоқсандағы № 235-236 (969-970) санында жарияланған) мынадай өзгерістер мен толықтыру енгізілсін:
көрсетілген бұйрықпен бекітілген Мемлекеттік сатып алу мәселелері бойынша есеп беруді жасау және ұсыну ережесінде:
бүкіл мәтін бойынша «әкімшілер», «әкімші», «әкімшінің», «әкімшіге», «әкімшімен» деген сөздер тиісінше «субъектілер», «субъекті», «субъектінің», «субъектіге», «субъектімен» деген сөздермен ауыстырылсын;
2-тармақта:
бірінші абзацта «субъектілердің» деген сөзден кейін «(бұдан әрі - субъектілер)» деген сөздермен толықтырылсын;
екінші абзац мынадай редакцияда жазылсын:
«Мемлекеттік сатып алу мәселелері бойынша есеп беруді осы тармақтың төртінші абзацында көрсетілген субъектілерді қоспағанда, субъектілер жасайды және осы Ережеде белгіленген тәртіппен электрондық мемлекеттік сатып алудың ақпараттық жүйелері арқылы және қағаз тасығыштарда ұсынады.»;
үшінші абзац алынып тасталсын;
бесінші абзац мынадай редакцияда жазылсын:
«Электрондық мемлекеттік сатып алудың ақпараттық жүйелерін енгізбеген субъектілер осы Ережеде белгіленген тәртіппен мемлекеттік сатып алу мәселелері бойынша есеп беруді қағаз тасығыштарда ұсынады.»;
3-тармақтың 7) тармақшасында «әкімшілер мен» деген сөздер алынып тасталсын;
19-тармақтың 1) тармақшасында:
«сатып алынатын» деген сөздер алынып тасталсын;
