Тәуелсіз Мемлекеттер Достастығына қатысушы мемлекеттердің
жастармен жұмыс саласындағы ынтымақтастығы туралы
келісім
(Москва қ. 2005 ж. 25 қараша )
ҚР Үкіметінің 2006 жылғы 15 тамыздағы № 771 Қаулысымен бекітілді
Бұдан әрі тараптар деп аталатын үкіметтер тұлғасындағы Тәуелсіз Мемлекеттер Достығына қатысушы мемлекеттер,
жастар ынтымақтастығын достық қарым-қатынастарын сақтаушы және тереңдетуші фактор ретінде дамыту үшін қолайлы жағдайлар жасауға ұмтылыс білдіре отырып,
қоғамның қазіргі кезеңдегі дамуында жастардың рөлі артып келе жатқандығын назарға ала отырып,
халықаралық жастар ынтымақтастығын тең құқықтық ұстанымдары негізінде кеңейту мен жетілдіру және осы мақсатта мемлекеттік жастар саясатын іске асыруға қатысушы мемлекеттердің, жастар қоғамдық бірлестіктердің және өзге де ұйымдардың (бірлестіктердің) арасында кең өзара іс-қимылды орнату ниетін растай отырып,
жастармен жұмыс саласындағы ынтымақтастық халықтар арасындағы өзара түсіністік пен достықты нығайтуға, жалпы адамзат құндылықтарын бекітуге бағытталған деп есептей отырып,
төмендегілер туралы:
1-бап
Тараптар жастармен жұмыс саласындағы ынтымақтастықты мемлекеттік жастар саясатын іске асыруды жүзеге асыратын мемлекеттік органдардың және қоғамдық жастар ұйымдарының (бірлестіктерінің) желісі бойынша нығайтады және дамытады, олардың жастар ынтымақтастығын қарқындатуға бағытталған бастамаларын қолдайды.
2-бап
Тараптар басымдықтарды айқындау және жастар ынтымақтастығын дамыту мақсатында мемлекеттік органдар мен қоғамдық жастар ұйымдарының тұрақты түрде әрекет етуін жүзеге асыру үшін қолайлы жағдайлар жасайды.
3-бап
Осы Келісімді іске асыру мақсатында Тараптар өзара мүддені білдіретін мемлекетаралық бағдарламалар мен жекелеген жобалар әзірлейді және орындайды.
4-бап
Тараптар:
жастармен жұмыс саласының кәсіби мамандарын даярлауда;
