«Мемлекеттік басқару жүйесін жетілдіруге бағытталған шараларды іске асыру жөніндегі Іс-шаралар жоспары туралы» Қазақстан Республикасы Президентінің 2006 жылғы 11 қыркүйектегі № 66 Өкіміне түсініктеме (күші жойылды)

Мемлекеттік басқару жүйесін жетілдіруге бағытталған шараларды іске асыру жөніндегі Іс-шаралар жоспары туралы
Қазақстан Республикасы Президентінің 2006 жылғы 11 қыркүйектегі № 66 Өкіміне түсініктеме

Мемлекеттік басқару жүйесін жетілдіруге бағытталған шараларды іске асыру жөніндегі Іс-шаралар жоспары (бұдан әрі - Жоспар) Мемлекет басшысының 2006 жылғы 1 қыркүйекте Қазақстан Республикасы Парламентінің үшінші сайланымының үшінші сессиясының ашылуында айтылған тапсырмаларын орындау үшін әзірленді.

Мемлекеттік басқару жүйесін жетілдірудің мақсаты - корпоративті басқару, ашықтық, үздік халықаралық тәжірибені ескере отырып қоғам алдында есептілік принциптері бойынша әрекет ететін мемлекеттік аппарат құру болып табылады.