Жоба
Қазақстан Республикасының Заңы
Қазақстан Республикасындағы жергілікті
өзін-өзі басқару туралы
ҚР Үкіметінің 2006.29.06. № 594 Қаулысымен ҚР Парламенті Мәжілісінің қарауына енгізілді
ҚР Үкіметінің 2007 жылғы 13 наурыздағы № 188 Қаулысымен қайтарып алынды
Осы Заң жергілікті өзін-өзі басқаруды ұйымдастырудың құқықтық, экономикалық және қаржылық негіздерін, жергілікті өзін-өзі басқару органдарының қызметін және Қазақстан Республикасында оны жүзеге асырудың кепілдіктерін анықтайды.
1-тарау. Жалпы ережелер
1-бап. Жергілікті өзін-өзі басқаруды ұйымдастырудың
Негіздерi
1. Қазақстан Республикасында тұрғын халықтың жергілікті маңызы бар мәселелерді дербес шешуін қамтамасыз ететін жергілікті өзін-өзі басқару танылады.
2. Жергілікті өзін-өзі басқару ретінде жергілікті қоғамдастық шегінде жүзеге асырылатын және осы Заңда, басқа да заңнамалық актілерде, жергілікті қоғамдастық жарғысында белгіленген тәртіппен жергілікті маңызы бар мәселелерді өз жауапкершілігіне ала отырып шешетін әкімшілік-аумақтық бірліктегі тұрғын халықтың қызметін дербес ұйымдастыру жүйесі ұғынылады.
3. Жергілікті өзін-өзі басқаруды тікелей еркін сайлау арқылы, сондай-ақ жергілікті өзін-өзі басқарудың сайланбалы және басқа да органдары арқылы жергілікті қоғамдастық мүшелері жүзеге асырады.
Жергілікті өзін-өзі басқару тұрғын халық топтары жинақы тұратын ауыл (село), кент, қаладағы аудан, қала аумақтары шегінде жеке жүзеге асырылады.
Бір әкімшілік-аумақтық бірлік аумағында, осы тармақтың төртінші бөлігінде көзделген жағдайларды қоспағанда, бір жергілікті қоғамдастық құрылуы мүмкін.
Облыстық, республикалық маңызы бар қалаларда және астанада өз қызметін дербес жүзеге асыратын бірнеше жергілікті қоғамдастық құрылуы мүмкін.
