Жоба
Қазақстан Республикасының Заңы
Қазақстан Республикасының кейбір заңнамалық актілеріне жергілікті өзін-өзі
басқару мәселелері бойынша өзгерістер мен толықтырулар енгізу туралы
ҚР Үкіметінің 2006.29.06. № 595 Қаулысымен ҚР Парламенті Мәжілісінің қарауына енгізілді
ҚР Үкіметінің 2007 жылғы 13 наурыздағы № 188 Қаулысымен қайтарып алынды
1-бап. Қазақстан Республикасының мынадай заңнамалық актілеріне өзгерістер мен толықтырулар енгізілсін:
1. 2003 жылғы 20 маусымдағы Қазақстан Республикасының Жер кодексіне (Қазақстан Республикасы Парламентінің Жаршысы, 2003 ж., № 13, 99-құжат; 2005 ж., № 9, 26-құжат; 2006 ж., № 1, 5-құжат; № 3, 22-құжат):
15-бапта:
тақырыбы мынадай редакцияда жазылсын:
«15-бап. Жергілікті өкілді органдардың құзыреті»;
2-тармақ алып тасталсын.
2. «Қоғамдық бірлестіктер туралы» 1996 жылғы 31 мамырдағы Қазақстан Республикасының Заңына (Қазақстан Республикасы Парламентінің Жаршысы, 1996 ж., № 8-9, 234-құжат; 2000 ж., № 3-4, 63-құжат; 2001 ж., № 24, 338-құжат; 2005 ж., № 5, 5-құжат; № 13, 53-құжат):
3-баптың екінші бөлігінде «аумақтық» деген сөз алып тасталсын.
3. «Табиғи және техногендік сипаттағы төтенше жағдайлар туралы» 1996 жылғы 5 шілдедегі Қазақстан Республикасының Заңына (Қазақстан Республикасы Парламентінің Жаршысы, 1996 ж., № 11-12, 263-құжат; 1998 ж., № 23, 416-құжат; 1999 ж., № 4, 101-құжат; 2000 ж., № 6, 145-құжат; 2003 ж., № 14, 112-құжат, 2004 ж., № 11-12, 67-құжат; № 23, 142-құжат; 2006 ж., № 1, 5-құжат):
1) 13-баптың бесінші бөлігінде екінші сөйлем алып тасталсын.
2) 32-бап мынадай мазмұндағы екінші бөлікпен толықтырылсын:
«Қоғамдық бақылауды қоғамдық бірлестіктер мен жергілікті өзін-өзі басқару органдары өз бастамасы, табиғи және техногендік сипаттағы төтенше жағдайлар саласындағы уәкілетті мемлекеттік органмен немесе облыстардың (республикалық маңызы бар қаланың, астананың) жергілікті атқарушы органдарымен жасалған шарттар бойынша жүзеге асырады.».
