Жоба
Қазақстан Республикасының
Заңы
Ойыншықтардың қауіпсіздігі туралы
ҚР Үкіметінің 2006 жылғы 1 тамыздағы № 722 Қаулысымен ҚР Парламенті Мәжілісінің қарауына енгізілді
2007 жылғы 21 шілдедегі № 306-III ҚР Заңын қара
Осы Заң Қазақстан Республикасы аумағында адамның өмірін, денсаулығын, қоршаған ортаны қорғау мен тұтынушылар мүдделерін қорғаудың кепілдігі үшін ойыншықтар қауіпсіздігін қамтамасыз етудің құқықтық негіздерін белгілейді.
1-тарау. Негізгі ережелер
1-бап. Осы Заңда пайдаланылатын негізгі ұғымдар
Осы Заңда мынадай негізгі ұғымдар пайдаланылады:
1) ойыншық материалы - қатынасу үшін қол жетімді оларды дайындау кезінде пайдаланылатын, ойыншықтардың құрамдас бөліктері;
2) ойыншықтар - балалардың тек ойын мақсатында пайдалануына дәл арналған бұйымдар;
3) ойыншықтардың қауіпсіздігі саласындағы уәкілетті орган - берілген өкілеттілер шегінде ойыншықтардың қауіпсіздігі саласындағы мемлекеттік саясатты іске асыруды жүзеге асыратын мемлекеттік орган;
4) ойыншықты теріс пайдалану - ойыншықты дайындаушы көздемеген шарттар немесе мақсаттарда пайдалану;
5) өнімді Қазақстан Республикасының нарығында орналастыратын тұлға - ойыншықты Қазақстан Республикасының аумағында өткізетін немесе тегін тарататын жеке немесе заңды тұлға;
6) пайдаланушы - ойыншықты тікелей пайдаланатын тұлға;
7) психологиялық-педагогикалық сараптама - ойыншықтарды балалардың рухани-эмоционалдық саулығын сақтау мәніне зерттеу және талдау жүргізу;
8) тұтынушы - ойыншықты сатып алатын жеке немесе заңды тұлға;
9) функционалдық ойыншық - сол мақсаттағы және сол функцияларды орындауды қайталайтын ересектер пайдаланатын бұйымдардың немесе құрылғылардың кішірейтілген ауқымдағы моделі болып табылатын ойыншық;
10) химиялық ойыншық - ойын процесі химиялық реакциямен байланысты ойыншық;
11) электр ойыншығы - кем дегенде бір функциясы электрмен байланысты болатын ойыншық.
2-бап. Қазақстан Республикасының ойыншықтар қауіпсіздігі саласындағы заңнамасы
