Еркiн сауда туралы Қазақстан Республикасының Үкіметі мен
Тәжiкстан Республикасының Үкіметі арасындағы
Келісім
(Алматы қ. 1995 ж. 22 қараша)
1997 жылғы 28 қазандағы № 170-1 ҚР Заңымен бекітілді
Қазақстан Республикасының Үкіметі мен Тәжiкстан Республикасының Үкіметі, бұдан әрi Тараптар деп аталады,
теңдiк пен өзара пайдалы негiзде Қазақстан Республикасы мен Тәжiкстан Республикасы арасындағы сауда-экономикалық ынтымақтастықты үйлесiмдi дамытуға ықпал ете отырып,
еркiн сауда аймағын құру туралы ТМД мемлекеттерi басшылары Кеңесiнiң 1994 жылғы 15 сәуірдегі Келісімiн басшылыққа алып,
Тарифтер мен сауда жөніндегі бас келісімiнiң ГАТТ негiзгi қағидаларына сәйкес екi елдiң арасындағы сауда қатынастарын дамытуға ұмтылып, төмендегiлер жайында келiстi:
1-бап
1. Тараптардың бiрiнiң кеден аумағынан әкелiнген және басқа Тараптың кеден аумағына арналған тауарлардың экспортына немесе импортына пара-пар күшi бар кеден баждарын, салықтар мен алымдарды Тараптар қолданбайды. Тауарлардың келісілген номенклатурасы бойынша осы сауда тәртібінен шығару жыл сайын жеке хаттамамен ресiмделiп отырылатын болады.
2. Осы Келісімнiң мақсаты үшiн және Тараптардың кеден аумақтарынан әкелiнетiн тауарларға оның күшi жүретiн кезеңде тауарлар деп мыналар:
а) тараптар аумағында толық өндiрiлген немесе;
б) үшiншi елдерден әкелiнген, шикiзатты, материалдар мен жинақтаушы бұйымдарды пайдалана отырып, Тараптардың аумағында өңдеуден өткiзiлген және осыған байланысты алғашқы белгiлердiң төртеуiнiң бiреуi бойынша болса да, Тауарлардың сипаттамасы мен кодталуының ырғақты жүйесiнiң жiктемесiне жататындығы өзгергенi;
в) "б" тармақшасында көрсетiлген шикiзатты, материалдар мен жинақтаушы бұйымдарды пайдалана отырып өндiрiлген тауарлар ұғынылады;
Тауарлардың шығу тегi толық қамтылған ережелердi тараптар жеке құжатпен жүргiзедi, оны дайындауды Тараптар өкiлеттi ұйымдарға тапсырады.
2-бап
Тараптар мыналарды:
