«Алматы қаласының білім беру ұйымдарын 2006-2007 оқу жылына дайындау
барысы туралы»
Алматы қаласы Әкімдігінің 2006 жылғы 1 қыркүйектегі № 6/1064 қаулысы
Г.Е. Есімбаеваның «Алматы қаласының білім беру ұйымдарын 2006-2007 оқу жылына дайындау барысы туралы» баяндамасын тыңдап және талқылап Алматы қаласының әкімдігі қаулы етеді:
1. Алматы қаласы әкімдігінің 2006 жылғы жұмысының негізгі басым бағыттары болып мыналар саналсын:
қаладағы білім беру ұйымдарын жаңа 2006-2007 оқу жылына дайындау;
Алматы қаласының білім беру ұйымдарының жүйесін дамытудың 2005-2010 жылдарға арналған қалалық бағдарламасын толық көлемде орындау.
2. Алматы қаласы әкімінің бірінші орынбасары (Қ.А. Бүкенов):
1) Алматы қаласының Экономика және бюджеттік жоспарлау департаментімен (Л.А. Васильева) бірлесе отырып бюджет қаражаттарын 2007 жылы бөлу кезінде Алматы қаласының білім беру ұйымдарының жүйесін дамытудың 2005 - 2010 жылдарға арналған қалалық бағдарламаның орындалуын қамтамасыз етсін бұл ретте:
жаңа мектептердің құрылысын жүргізуді көздесін, жақын 5 жыл мерзімге бағдарламаны әзірлеп ұсынсын;
2006-2007 оқу жылында жалпы білім беру мектептерінің бастауыш буында оқитын оқушыларына ыстық тамақ беруді ұйымдастыру жөнінде шаралар қабылдасын;
2) Алматы қаласының Қаржы департаментімен (А.Н. Әбдіқадырова) бірлесе отырып:
заңмен белгіленген тәртіпке сәйкес балалардың мектепке дейінгі ұйымдарының ғимараттарын жалдау шарттарын бұзу шараларын қолдансын.
