Қазақстан Республикасы
Ауыл шаруашылығы министрлігінің
Орман және аңшылық шаруашылығы
комитеті төрағасының
2006 жылғы 7 желтоқсандағы
№ 267 бұйрығымен бекітілген
Қазақстан Республикасының орман қоры аумағында өрт
келтірген зиянды есептеу, анықтау және өтеу жөніндегі
әдістемелік нұсқаулар
1. Жалпы ережелер
1. Қазақстан Республикасының орман қоры аумағында өрт келтірген зиянды есептеу, анықтау және өтеу жөніндегі осы әдістемелік нұсқаулар (бұдан әрі - Әдістемелік нұсқаулар) Қазақстан Республикасының Орман кодексіне, «Өрт қауіпсіздігі туралы» Қазақстан Республикасының Заңына және «Қазақстан Республикасы аумағындағы өрттер мен олардың салдарын мемлекеттік тіркеу ережесін бекіту туралы» Қазақстан Республикасы Үкіметінің 1999 жылғы 23 шілдедегі № 1053 қаулысына сәйкес жасалған және орман мен аңшылық шаруашылығына орман өртінен келтірілген шығын көлемін бағалаудың тәртібін белгілейді.
2. Мемлекеттік және жекеменшік орман иелері осы әдістемелік нұсқауларға сәйкес Қазақстан Республикасының заңнамасымен белгіленген тәртіппен тіркелген орман өрттерін есепке алуды және орман өртінен келтірілген шығынды айқындауды жүргізеді.
3. Орман өртінен келтірілген толық материалдық шығындарға:
1) тікелей материалдық шығын:
орта жастағы, толысып келе жатқан, толысқан және қураған екпе ағаштардың, тамырынан зақымданған сүректердің жойылуының құны;
табиғи және қолдан өсірілген жас шыбықтардың, қайта түлеу шаралары көмегінен өткендердің тұтас емес орман екепелерінің және алаңдағы өскіндердің зақымдануы;
екінші дәрежелі орман ресурстарының зақымдануының зияны;
жанама орман пайдалану ресурстарының зақымдануының зияны;
жанып кеткен және бүлінген құрылыс нысандары, техникалар, қондырғылар және басқа да материалдық құндылықтардың бағасы;
Қазақстан Республикасының Қызыл кітабына енгізілгендерді қоса алғанда, жабайы жануарлар мен өсімдіктердің жойылуының зияны;
2) жанама материалдық шығын:
орман өрттерін сөндірудің шығындары;
