Қазақстан Республикасының Ауыл шаруашылығы министрлігі мен
Қытай Халық Республикасының Сапаны, инспекцияны және карантинді
қадағалау бас басқармасы арасындағы Қазақстан Республикасынан Қытай
Халық Республикасына экспортталатын бидайдың партиясы үшін
фитосанитарлық талаптар бойынша хаттама
(Пекин, 2006 ж. 17 қараша)
Қазақстандық бидайды Қытайға қауіпсіз экспорттау және зиянкестердің кіріп кету тәуекелін талдау (ЗКТТ) нәтижелерінің негізінде қытай ауыл шаруашылық өнімінің қауіпсіздігін қамтамасыз ету мақсатында, Қазақстан Республикасының Ауыл шаруашылығы министрлігі (АШМ) және Қытай Халық Республикасының Сапаны, инспекцияны және карантинді қадағалау бас басқармасы (СИКҚББ) бұдан әрі Тараптар, пікірлерімен алмасты және қазақстандық бидай алдына қойылатын фитосанитарлық талаптар бойынша төмендегідей консенсуске жетті
1-бап
Қытайға экспортталатын қазақстандық бидай (бұдан әрі Бидай) өңдеуге арналған жаздық бидайдың тұқымдарынан тұрады.
Бидай осы Хаттамада көрсетілген Қытайдың фитосанитарлық ережелері мен фитосанитарлық талаптарына сай болу керек. Бидай Қытайдың санитарлық стандарттарына сәйкес келеді (бұдан әрі - Талаптар).
2-бап
АШМ зиянкестердің (Қосымшада белгіленген), топырақтың және өсімдік қалдықтарының Қытайға кіріп кетуін болдырмау мақсатында шараларды қолданады. АШМ егу, астық жинау, сақтау, тасымалдау және экспортты қоса бидайды өсірумен байланысты барлық рәсімдерді басқарады және бақылайды.
3-бап
Бидай Tilletia controversa Kuhn (қодырен қастауыш) және Tilletia indica Mitra (үнді қастауыш) аулақ Қазақстан Республикасына аймақтарынан жеткізілуі тиіс. АШМ Өсімдіктерді қорғау жөніндегі халықаралық конвенциямен (ӨҚХК) әзірленген стандарттарға сәйкес зиянкестерден аулақ аймақтарды анықтайды және қорғайды. Тараптар зиянкестерден аулақ аймақтарды бірлесіп бекітеді.
Зиянкестерді біріккен басқару (ЗББ) және өзге де шаралар зиянкестерді жұғу жағдайларын мүмкіндігінше төмендету мақсатында қолданылады. СИКҚББ сұранысы бойынша АШМ қажетті рәсімдер мен ақпаратты ұсынады.
4-бап
