Қазақстан Республикасы Президентінің сайлауы туралы заңдарды
қолдану практикасының кейбір мәселелеріне
шолу
Қазақ ұлтына жату кандидатты мемлекеттік тілді еркін меңгерген деп тану үшін сөзсіз негіз болып табылмайды
Қ. лингвистикалық комиссия шешімінің заңсыз екендігі туралы Қазақстан Республикасының Орталық сайлау комиссиясына (шолу бойынша бұдан былай - ОСК) арызбен Жоғарғы Сотқа жүгінді, ол арызында комиссияның оның мемлекеттік тілді еркін білмейтіні туралы 2005 жылғы 23 қыркүйектегі шешімінің заңсыздығын, өйткені өзінің қазақ екенін, қазақ тілін жақсы білетінін көрсеткен. Сот Қ-ның Қазақстан Республикасының Президенттігіне кандидат болып ұсынылғанын анықтады. ОСК-нің «Қазақстан Республикасының Президенттігіне кандидаттың мемлекеттік тілді еркін меңгеруін анықтау рәсімі туралы» 2005 жылғы 31 тамыздағы № 12/26 қаулысына сәйкес, Қ. ОСК-нің 2005 жылғы 31 тамыздағы № 12/25 қаулысымен құрылған лигвистикалық комиссиядан өтіп, комиссияның 2005 жылғы 23 қыркүйектегі қорытындысы бойынша оның мемлекеттік тілді еркін білмейтіні анықталған. ОСК комиссиясы қорытындысының негізінде оның Қазақстан Республикасының Президенттігіне кандидатқа қойылатын талаптарға сәйкес келмейтіндігі туралы 2005 жылғы 23 қыркүйекте № 21/47 қаулы қабылданған. Сот арызды қанағаттандырусыз қалдырды.
Азаматтардың кандидатты қолдап жиналған қолдарын тексеру нәтижелері туралы аумақтық сайлау комиссияларының хаттамалары болған жағдайда ғана кандидатты тіркеу жүзеге асырылады
