Жоба
Қазақстан Республикасы Президентінің 1998 жылғы 30 маусымдағы
№ 3985 Жарлығына өзгерістер мен толықтырулар енгізу туралы
ҚР Үкіметінің 2007 жылғы 15 наурыздағы № 194 Қаулысымен ҚР Президентінің қарауына енгізілді
ҚАУЛЫ ЕТЕМІН:
1. «Қазақстан Республикасы Президентінің жанында Шетелдік инвесторлар кеңесін құру туралы» Қазақстан Республикасы Президентінің 1998 жылғы 30 маусымдағы № 3985 Жарлығына (Қазақстан Республикасының ПYАЖ-ы, 1998 ж., № 28, 156-құжат; 2000 ж., № 17, 168-құжат; 2003 ж., № 45, 486-құжат) мынадай өзгерістер мен толықтырулар енгізілсін:
жоғарыда аталған Жарлықпен бекітілген Қазақстан Республикасы Президентінің жанындағы Шетелдік инвесторлар кеңесі туралы ережеде:
8-тармақтағы «Қазақстан Республикасы Президентінің инвестиция мәселелерін қадағалайтын көмекшісі» деген сөздер «Қазақстан Республикасы Президентінің Әкімшілігі Басшысының орынбасары, Қазақстан Республикасы Премьер-Министрінің орынбасары» деген сөздермен ауыстырылсын;
10-тармақ мынадай мазмұндағы абзацпен толықтырылсын:
"Кеңестің шетелдік тараптан құрамына байланысты мәселелерді қарау мақсатында Кеңестің шетелдік тараптан құрамын реттеу жөніндегі комиссия (бұдан әрі - Комиссия) құрылады, оның құрамы Кеңестің жалпы отырыстарында бекітіледі.";
14-тармақта:
бірінші абзацта:
«жұмыс органы» деген сөздер алынып тасталсын;
мемлекеттік тілдегі мәтінде 1), 2), 3), 4), 5), 6), 7) тармақшалардағы «қатысуын», «беделін», «маңыздылығын», «қызметін», «дайындығын», «қатысуын», «ұсынымдарын ескереді» деген сөздер тиісінше «қатысуы», «беделі», «маңыздылығы», «қызметі», «дайындығы», «қатысуы», «ұсынымдары ескеріледі» деген сөздермен ауыстырылсын;
4) тармақшадағы «міндеттерін» деген сөзден кейін «және экологиялық сипаттағы міндеттерін» деген сөздермен толықтырылсын;
15-тармақ мынадай редакцияда жазылсын:
"15. Өтінімдерді жұмыс органы олардың келіп түсу кезектілігі тәртібімен қарайды және олар осы Ереженің 13 және 14-тармақтарында белгіленген өлшемдерді қанағаттандырған жағдайда Комиссияның қарауына шығарылады.";
5-тарау алынып тасталсын;
6-тарау мынадай редакцияда жазылсын:
