Салық кодексіне сәйкес лизингке берілген көлік құралдарына салық төлеуші лизинг алушы болып табылады. Көлік құралы жол полициясы органдарында лизинг берушінің атына тіркелген. Көлік лизинг алушының балансында тұр. Лизинг алушы көбінесе басқа аймақта болады. Осы жағдайда көлік құралдары салығын кім төлейді?
Салық кодексінің 345-бабының 1-1-тармағына сәйкес лизинг алушы қаржы лизингі шарты бойынша берілген (алынған) салық салу объектілері бойынша көлік құралдары салығын төлеуші болып табылады.
Салық кодексінің 346-бабының 1-тармағына сәйкес Қазақстан Республикасында мемлекеттік тіркеуге жататын және (немесе) есепте тұрған көлік құралдары, тіркемелерді қоспағанда, салық салу объектілері болып табылады.
Көлік құралдары мен тіркемелерді мемлекеттік тіркеу тәртібі Қазақстан Республикасы Ішкі істер министрінің 12.10.1998 жылғы № 343 бұйрығымен бекітілген Қазақстан Республикасында көлік құралдары мен тіркемелерді мемлекеттік тіркеу Ережелерінде (бұдан әрі -Ереже) белгіленген.
Салық кодексінің 348-1-бабының 1-тармағында, егер меншік құқығында, шаруашылық жүргізу құқығында немесе оралымды басқару құқығында 1 шілдеге дейін болған көлік құралдары бойынша осы бапта өзгеше белгіленбесе, бюджетке салық төлеу салық салу объектілерінің тіркелген жері бойынша, ағымдағы төлемдерді енгізу арқылы салық кезеңінің 5 шілдесінен кешіктірілмей жүргізіледі деп белгіленген.
