Қазақстан Республикасы
Денсаулық сақтау министрінің
2007 жылғы 31 қантардағы № 57
бұйрығымен бекітілген
ҚР Денсаулық сақтау министрінің 2011 жылғы 15 ақпандағы № 88 бұйрығымен күші жойылды
Санитарлық-эпидемиологиялық қызмет ұйымдарының зертханаларын санитарлық
ережелерге сәйкестігіне және тиісті құжат бере отырып тәуекелдігін бағалауды жүзеге
асыру құқығына аттестаттауды жүргізу ережесі
1. Жалпы ережелер
1. Осы Ереже «Халықтың санитарлық-эпидемиологиялық салауаттылығы туралы» Қазақстан Республикасы Заңының 7-бабының 14) тармақшасын іске асыру мақсатында әзірленді.
2. Осы Ереже жеке қолдану акті болып табылады және «Халықтың санитарлық - эпидемиологиялық салауаттылығы туралы» Қазақстан Республикасы Заңының 4- бабының 2- тармағында келтірілген санитарлық-эпидемиологиялық қызмет ұйымдарының зертханаларына қолданылады.
3. Осы Ережеде мынадай анықтама пайдаланылды:
аттестаттау - халыктың санитарлық-эпидемиологиялық салауаттылығы саласындағы уәкілетті мемлекеттік орган (бұдан әрі - уәкілетті орган) зертханалық зерттеулер мен физикалық факторлардың өлшемдерін жүргізуге санитарлық-эпидемиологиялық қызмет зертханаларының (бұдан әрі - зертханалар) ұйымдары мәртебесі мен құқықтық өкілеттілігін ресми тану (растау) үшін қолданылатын баталау жүйесі.
4. Аттестаттау зертханалар бұған міндетті болып табылады және бес жылда бір рет жүргізіледі.
2. Зертханаларда аттестаттауды жүргізуге қойылатын талаптар
5. Зертханаларды аттестатауды жүргізу үшін республикалық және облыстық аттестаттау комиссиялары (бұдан әрі -комиссиялар) құрылады.
6. Республикалық комиссия « Қазақстан Республикасы Денсаулық сақтау министрлігінің Республикалық санитарлық-эпидемиологиялық станциясы» (бұдан әрі - РСЭС) мемлекеттік мекемесінің жанынан құрылады. Республикалық комиссияның құрамы мен ережесін уәкілетті орган бекітеді.
7. РСЭС зертханаларын аттестаттауды уәкілетті орган жүргізеді.
