Астана қаласы әкімдігінің 2004 жылғы 26 шілдедегі № 3-1-1531қ «Астана қаласының жоғарғы оқу орындарында оқу ақысын төлеу үшін жалпы білім беретін мектептер түлектеріне әлеуметтік көмек тағайындау туралы» қаулысына өзгерістер мен толықтырулар енгізу туралы Астана қаласы әкімдігінің 2005 жылғы 7 маусымдағы № 3-1-396қ Қаулысы
Астана қаласы әкімдігінің 2007 жылғы 12 қазандағы № 23-887қ Қаулысымен күші жойылды
«Қазақстан Республикасындағы жергілікті мемлекеттік басқару туралы» Қазақстан Республикасының Заңына сәйкес, бұдан әрі азаматтардың жекелеген санаттарына әлеуметтік көмек көрсету мақсатында, сонымен қатар құрылымдық және кадрлық өзгерістерге байланысты Астана қаласының әкімдігі ҚАУЛЫ ЕТЕДІ:
1. Астана қаласы әкімдігінің 2004 жылғы 26 шілдедегі № 3-1-1531қ, «Астана қаласының жоғарғы оқу орындарында оқу ақысын төлеу үшін жалпы білім беретін мектептер түлектеріне әлеуметтік көмек тағайындау туралы» (Астана қаласының Әділет департаментінде 2004 жылдың 6 тамызында № 341 болып тіркелген, 2004 жылдың 14 тамыздағы № 110 «Астана хабары» 2004 жылдың 12 тамыздағы № 110, «Вечерняя Астана» газеттерінде жарияланған) қаулысына мынадай өзгерістер мен толықтырулар енгізілсін:
1) аталған қаулымен бекітілген Астана қаласының жоғарғы оқу орындарында оқу ақысын төлеу үшін жалпы білім беретін мектептер түлектеріне әлеуметтік көмек тағайындау Қағидасында:
5-тармақ мынадай редакцияда мазмұндалсын:
«5. Жергілікті өкілдік органдардың шешімі бойынша мұқтаж азаматтардың жекелеген санаттарына әлеуметтік көмек бюджеттік бағдарламасының әкімгері «Астана қаласының Жұмыспен қамту және әлеуметтік бағдарламалар департаменті (бұдан әрі - Әкімгер)» мемлекеттік мекемесі болып табылады» (бұдан әрі - Бағдарлама).«;
19-тармақ мынадай мазмұндағы азат жолымен толықтырылсын:
«Оқудан шығарылған студенттің орнын ауыстыру туралы ұсыныс болмаған жағдайда жоғарғы оқу орны шартты бұзған кезден бастап он банктік күн ішінде оқу шығындарын шегеру есебімен Астана қаласы бюджетінің кірісіне төленген қаражаттарды қайтаруды жүргізеді.«;
