Кедендік рәсімдерді оңайлату және үйлестіру туралы
халықаралық конвенция
(өзгертілген редакцияда)
Кіріспе
Кедендік ынтымақтастық кеңесінің аясында әзірленген осы Конвенцияның Уағдаласушы Тараптары,
Уағдаласушы Тараптардың кедендік ережелері мен рәсімдеріндегі халықаралық сауданың және халықаралық алмасудың басқа түрлерінің дамуына кедергі жасауы мүмкін алшақтықтарды жою мақсатында,
Кедендік ережелер мен рәсімдерді оңайлату және үйлестіру, сондай-ақ халықаралық ынтымақтастықты ынталандыру жолымен мұндай сауда мен алмасуды дамытуға пәрменді үлес қосуға ниет білдіре отырып,
Халықаралық сауда шарттарын жеңілдетудің арқасында алынған елеулі басымдылықтарға кедендік бақылаудың тиісті ережелері үшін зиянсыз қол жеткізілуі мүмкін екендігін назараға ала отырып,
Мұндай оңайлату мен үйлестіруге, оның ішінде мынадай:
кедендік ережелер мен рәсімдерді ұдайы жетілдіру мен тиімділігін арттыруға бағытталған бағдарламаларды жүзеге асыру;
кедендік ережелер мен рәсімдерді қолдану кезінде болжамдылық, кезектілік және ашықтылық;
кеден ісі жөніндегі заңдарға, нормативтік құқықтық және әкімшілік кесімдерге, кедендік ережелер мен рәсімдерге қатысты барлық қажетті ақпаратты мүдделі тараптарға ұсыну;
тәуекелдерді басқару және аудит әдістерінің негізінде бақылау сияқты жұмыстың қазіргі заманғы әдістерін қолдану және ақпараттық технологияларды барынша практикалық пайдалану;
биліктің басқа да ұлттық органдарымен, басқа мемлекеттердің кеден қызметтерімен және сауда қауымдастықтарымен, бұл қажет болатын барлық жағдайларда ынтымақтастық;
тиісті халықаралық стандарттарды енгізу;
әкімшілік және сот тәртібімен қарау рәсімдеріне мүдделі тараптардың кедергісіз қол жеткізуін қамтамасыз ету қағидаттарын қолданудың арқасында қол жеткізу мүмкін екендігін тани отырып;
