Кәсіпорын кәсіпкерлік қызметпен, оның ішінде ауыл шаруашылығы өнімін өндірумен шұғылданды, жалпыға бірдей белгіленген тәртіппен бюджетпен есеп айырысуды жүзеге асырады және 100.00-нысаны бойынша корпорациялық табыс салығы жөніндегі декларацияны тапсырды.
Кәсіпорын ауыл шаруашылығы қызметі бойынша патент негізінде бюджетпен есеп айырысуды арнаулы салық режимімен жүзеге асыратындықтан, ағымдағы жылдың басынан бастап кірістер мен шығыстардың есебін бөлек жүргізеді. 100.00-нысанға сәйкес патент бойынша қызмет пен өзге қызмет арасындағы өткен 2006 жылгы залалдарды қандай тәртіппен бөлу керек? Не осы залал толық көлемде өзге қызмет бойынша есепке алынуы және 2007 жыл үшін 100.00-нысанда көрсетілуі мүмкін бе?
Салық кодексі 388-бабының 2-тармағына сәйкес салық кезеңінің басында патент құнының есебіне енгізілген салық сомаларын есептеу корпорациялық табыс салығын және қосылған құн салығын белгілеу кезінде - өткен бес жыл ішіндегі шаруашылықтың табысы мен шығындарының көрсеткіштері негізінде жүргізіледі.
Сонымен қатар, табыстар мен шығындар көрсеткіштерін анықтау тәртібін уәкілетті мемлекеттік орган белгілейді.
