ЖШС қазақстандық операторлардың жерүсті инфрақұрылымдарын пайдалана отырып, өздерінің ақпарат пен телехабарлар беруге арналған хабарларды қабылдау-беру құрылғысы ретінде геостационарлық байланыс пен хабар беретін спутникті пайдалану бойынша қызмет көрсетеді. Сонымен бірге, ақпарат пен телехабар беру ел ішінде, сол сияқты одан тыс жерлерде де спутниктің жабық аймағында жүзеге асырылуы мүмкін. Ақпарат пен телехабарлар беруге арналған хабарларды қабылдау-беру құрылғысы ретінде спутникті пайдалану бойынша қызмет көрсетуге ҚҚС салынатын бола ма?
Салық кодексінің 206-бабына сәйкес салық салынатын айналым мен салық салынатын импорт ҚҚС-ын салу объектілері болып табылады.
Салық кодексі 212-бабының 1-тармағына сәйкес ҚҚС төлеушінің тауарларды (жұмыстарды, қызмет көрсетулерді) өткізу бойынша жасаған айналымы салық салынатын айналым болып табылады, оған:
1) осы Кодекске сәйкес қосылған құн салығынан босатылған;
2) өткізу орны Қазақстан Республикасы болып табылмайтын айналым қосылмайды.
Мұндайда тауарларды (жұмыстарды, қызмет көрсетулерді) өткізу орны Салық кодексінің 215-бабына сәйкес белгіленеді.
