ҚР Қаржы министрінің 2008 жылгы 25 желтоқсандағы № 611 бұйрығымен күші жойылды
Қазақстан Республикасы
Қаржы министрінің
2007 жылғы 19 желтоқсандағы
№ 468 бұйрығымен бекітілген
Бензинмен (авиациялықтан басқа), дизель отынымен
көтерме және бөлшек сауда бойынша салық салу
объектілерін және салық салумен байланысты объектілерді
тіркеу мен қайта тіркеу туралы өтінішті жасау ережесі
(012.00-нысан)
1. Жалпы ережелер
1. Осы Ережелер Қазақстан Республикасының «Салық және бюджетке төленетін басқа да міндетті төлемдер туралы» Кодексіне (Салық кодексіне) сәйкес әзірленген және бензинмен (авиациялықтан басқа), дизель отынымен көтерме және бөлшек сауда бойынша салық салу объектілерін және салық салумен байланысты объектілерді тіркеу мен қайта тіркеу туралы өтініштерді (бұдан әрі - Өтініш) жасау тәртібін айқындайды. Өтінішті Салық кодексінің 531-бабына сәйкес бензинмен (авиациялықтан басқа), дизель отынымен көтерме және бөлшек сауданы жүзеге асыратын салық төлеушілер жасайды.
2. Өтініш Өтініштің өзінен және бензинмен (авиациялықтан басқа), дизель отынымен көтерме және бөлшек сауда бойынша салық салу объектілері туралы ақпаратты қамтитын оған қосымшалардан (012.01-ден 012.05-нысандар) тұрады.
3. Өтініш қағаз тасығышта - қара не көк сиялы қаламмен немесе қаламұшпен, баспа әріптермен немесе баспа құрылғысын пайдалана отырып толтырылады.
Өтінішті толтыру кезінде түзетулерге, тазартуларға және өшіруге жол берілмейді.
4. Көрсеткіштер жоқ болған кезде тиісті торкөздер толтырылмайды.
5. Қосымша(-лар)да көрсетiлуге жататын деректер жоқ болған жағдайда аталған қосымша (-лар) тапсырылмайды.
6. Тиісті қосымшада көрсеткіштерді ашуды талап ететін жолдарды толтыру кезінде, аталған қосымша (-лар) толтыруға жатады.
7. Қосымшалар мен қосымша нысандардардың парағында бар жолдардағы көрсеткіштер саны асқан жағдайында, қосымшалар мен қосымша нысандардардың осындай парағы толтырылады.
8. Өтініштің «Жалпы ақпарат» бөлімінде тиісті қосымшаның «Салық төлеуші туралы жалпы ақпарат» бөлімінде көрсетілген тиісті көрсеткіштері көрсетіледі.
9. Өтінішті беру кезінде:
