ҚР Қаржы министрінің 2008 жылгы 25 желтоқсандағы № 611 бұйрығымен күші жойылды
Қазақстан Республикасы
Қаржы министрінің
2007 жылғы 19 желтоқсандағы
№ 468 бұйрығымен бекітілген
Жер салығы, көлік құралдары салығы және мүлік салығы
бойынша Декларацияны жасау ережелері
(700.00-нысан)
1. Жалпы ережелер
1. Осы Ережелер «Салық және бюджетке төленетін басқа да міндетті төлемдер туралы» Қазақстан Республикасының Кодексінің (Салық кодексі) 12, 13, 14-бөлімдеріне сәйкес әзірленген және салық төлеушілердің жер салығын, көлік құралдары салығын және мүлік салығын есептеу мен уақтылы төлеуіне арналған Жер салығы, көлік құралдары салығы және мүлік салығы бойынша декларацияны (бұдан әрі - Декларация) жасау тәртібін айқындайды.
2. Декларация Декларацияның өзінен (700.00-нысан) және жер салығы, көлік құралдары салығы және мүлік салығы ережелерімен байланысты бойынша салық салумен байланысты объектілер және салық салу объектілері туралы ақпаратты ашу бойынша оған қосымшалардан (700.01-ден 700.03-ке дейінгі нысандар) тұрады.
3. Декларация жасау кезінде:
1) қағаз тасығышта-қара немесе көк сиялы қаламмен немесе қаламұшпен, баспа әріптермен немесе баспа құрылғысымен толтырылады;
2) электронды тасығышта - Салық кодексінің 69-бабына сәйкес толтырылады.
4. Декларацияны толтыру кезінде түзетуге, өшіруге және тазалауға жол берілмейді.
5. Көрсеткіштер болмаған кезде тиісті тор көз толтырылмайды. Қосымшаларда көрсетілуге тиіс деректер жоқ болған жағдайда аталған қосымша тапсырылмайды.
6. Тиісті қосымшада көрсеткіштерді ашуды талап ететін жолдарды толтыру кезінде аталған қосымша міндетті тәртіпте толтыруға жатады.
7. Қосымша әрбір салық салу объектісі мен салық салуға байланысты объекті үшін бөлек толтырылады.
8. Лизинг шарттары бойынша берілген (алынған) объектілер бойынша Декларацияны және оған тиісті қосымшаларды лизинг алушы толтырады.
Пайлық инвестициялық қор активтерiнiң құрамына кiретiн жер салығы мен мүлік салығы салынатын объектiлер бойынша Декларацияны пайлық инвестициялық қордың басқарушы компаниясы толтырады.
