ҚР Қаржы министрінің 2008 жылгы 25 желтоқсандағы № 611 бұйрығымен күші жойылды
Қазақстан Республикасы
Қаржы министрінің
2007 жылғы 19 желтоқсандағы
№ 468 бұйрығымен бекітілген
Көлік құралдары салығы бойынша ағымдағы төлемдердің
Есебін жасау ережелері
(701.01-нысан)
1. Жалпы ережелер
1. Осы ережелер «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 13 бөліміне сәйкес әзірленген және салық төлеушілерде ағымдағы салық кезеңінің 1 шілдесіне дейін меншік, шаруашылық жүргізу немесе жедел басқару құқығында болған көлік құралдарына салықты толық және уақтылы төлеуіне арналған Көлік құралдары салығы бойынша ағымдағы төлемдердің есебін жасау (бұдан әрі - Есеп) тәртібін көздейді.
2. Есепті жасау кезінде:
1) қағаз тасығышта - қалам немесе қаламұшпен, қара немесе көк сиямен, баспа әріптермен немесе баспа құрылғысын пайдалана отырып толтырылады;
2) электрондық тасығышта - Салық кодексінің 69-бабына сәйкес толтырылады.
3. Есепті толтыру кезінде түзетуге, өшіруге және тазалауға жол берілмейді.
4. Есеп әрбір салық салу объектісі бойынша бөлек толтырылады.
5. Лизинг шарттары бойынша берілген (алынған) объектілер бойынша Есепті лизинг алушы толтырады.
6. Сомалардың теріс мәні тиісті жолдың бірінші сол жақ торкөзінде « - » таңбасымен белгіленеді.
7. Есепті беру кезінде:
1) қағаз тасығышта келу тәртібімен екі данада жасалады, бір данасы салық органының белгісімен салық төлеушіге қайтарылады;
2) хабарламамен тапсырысты хатпен почта бойынша - салық төлеуші почта немесе байланыстың өзге ұйымының хабарламасын алады;
3) Салық кодексінің 69-бабының 8-тармағының 3) тармақшасына сәйкес келу тәртібімен немесе электрондық почта бойынша электрондық түрде - салық төлеуші Есепті беру туралы хабарламаны (растау) алады.
8. Есепке Салық кодексінің 69-бабына сәйкес қол қойылады және куәландырылады.
2. Есепті жасау (701.01-нысан)
9. «Салық төлеуші туралы жалпы ақпарат» бөлімінде салық төлеуші мынадай деректерді көрсетеді:
1) СТН - салық төлеушінің тіркеу нөмірі;
