Қазақстан Республикасы
Әділет министрінің
2007 жылғы 27 қарашадағы
№ 319 бұйрығына
3-қосымша
ҚР Әділет министрінің 2010 жылғы 30 наурыздағы № 91 Бұйрығымен күші жойылды
Авторлық құқықпен және сабақтас құқықтармен қорғалатын
туындыларға туындыларды мемлекеттік тіркеу бойынша
мемлекеттік қызмет көрсету стандарты
1. Жалпы ереже
1. Авторлық құқықпен және сабақтас құқықтармен қорғалатын туындыларға құқықтарды мемлекеттік тіркеу - мемлекеттік тіркеу туралы куәлік бере отырып, уәкілетті органда ресми тізілімдерде авторлық құқықты мемлекеттік тіркеу.
2. Көрсетілетін мемлекеттік қызметтің нысаны: жартылай автоматтандырылған.
3. Мемлекеттік қызмет көрсету «Авторлық құқық және сабақтас құқықтар туралы» Қазақстан Республикасы Заңының 9-бабы 1-тармағының, Нормативтік құқықтық актілерді мемлекеттік тіркеу тізілімінде № 1988 болып тіркелген «Авторлық құқықпен және сабақтас құқықтармен қорғалатын туындыларға құқықтарды мемлекеттік тіркеу туралы нұсқаулықты бекіту туралы» Қазақстан Республикасы Әділет министрінің 2002 жылғы 27 қыркүйектегі № 146 бұйрығының негізінде көрсетіледі.
4. Мемлекеттік қызметті Қазақстан Республикасы Әділет министрлігінің Зияткерлік меншік құқығы комитеті көрсетеді (бұдан әрі - Комитет).
Мемлекеттік қызмет көрсетілетін орын: Астана қаласы, Министрліктер үйі.
5. Көрсетілетін мемлекеттік қызметті аяқтау нысаны зияткерлік меншік объектісін мемлекеттік тіркеу туралы куәлік беру болып табылады.
6. Мемлекеттік қызмет барлық жеке тұлғаларға көрсетіледі.
7. Мемлекеттік қызмет келесі мерзімдерде көрсетіледі:
Авторлық құқықпен және сабақтас құқықтармен қорғалатын туындыларға құқықтарды мемлекеттік тіркеуді немесе оларды тіркеуден бас тартуды Комитет автордан (авторлардан) немесе құқық иеленушіден (құқық иеленушілерден) өтініш түскен күннен бастап бір ай мерзімде жүзеге асырады.
