Қазақстан Республикасы денсаулық сақтау министрлігі
Денсаулық сақтауды дамыту институты
Аурулардың диагностикасы және емдеу хаттамалары
(акушерлік-гинекологиялық саладағы стационарлар үшін)
Алматы 2007 ж.
Қағанақ суының босануға дейін ағып кетуі
1.Қағанақ суының босануға дейін ағып кетуі
2. Хаттаманың коды: H-O-015
3. АХЖ-10 бойынша кодтары:
042 Іштегі нәресте қабығының мезгілінен бұрын жыртылуы
042.0 Іштегі нәресте қабығының мезгілінен бұрын жыртылуы, одан кейінгі 24 сағат ішінде босанудың басталуы
042.1 Іштегі нәресте қабығының мезгілінен бұрын жыртылуы, одан кейінгі сусыз кезеңнің 24 сағаты ішінде босанудың басталуы
042. 2 Іштегі нәресте қабығының мезгілінен бұрын жыртылуы, ем қолдануға байланысты босанудың тежелуі
042.9 Іштегі нәресте қабығының мезгілінен бұрын жыртылуының анықталмауы
4. Анықтамасы: Қағанақ суының босануға дейін ағып кетуі - жатырдың үнемі жиырылуының басталуына дейін қағанақ қабығының өздігінен жыртылуы (1).
Жүктіліктің шала болуы кезіндегі қағанақ суының босануға дейін ағып кетуі (ДИВ) жүктіліктің кезеңін 2%-да ғана асқындырады, бірақ мезгілінен бұрын босанудың 40%-мен байланысты және неонатальді ауру (нәрестелік кезеңге қатысты) мен өлім-жітім себептерінің басым көпшілігі болып саналады [18, 21, 22].
