Аурулардың диагностикасы және емдеу хаттамалары (акушерлік-гинекологиялық саладағы стационарлар үшін) «Преэклампсия. Хаттама коды: H-O-021» (Алматы 2007 ж.)

Қазақстан Республикасы денсаулық сақтау министрлігі
Денсаулық сақтауды дамыту институты
 
Аурулардың диагностикасы және емдеу хаттамалары

(акушерлік-гинекологиялық саладағы стационарлар үшін)

Алматы 2007 ж.

Преэклампсия

1. Преэклампсия

2. Хаттама коды: H-O-021

3. АХЖ-10 бойынша коды (кодтары):

О10-Жүктілікті, босануды және босанудан кейінгі кезеңді асқындыратын, бұрыннан бар гипертензия.

О11-Протеинуриеямен қосылған бұрыннан бар гипертензия (қосылған преэклампсия).

О12-Жүктіліктен болған протеинурия және гипертензиясыз ісінулер (гестациялық протеинурия).

О13-Айтарлықтай протеинуриясы (гестациялық гипертензия) жоқ, жүктіліктен болған гипертензия.

О14-Айтарлықтай протеинуриясы (протеинуриямен гестациялық гипертензия) бар, жүктіліктен болған гипертензия.

О15-Талма ауруы (эклампсия).

О16-Анықталмаған (жіктелмеген) гипертензия және/немесе протеинурия.

4. Анықтамасы: Преэклампсия - бұл жүкті әйелдердегі әдетте АҚ мен протеинурияның көтерілуімен көрінетін көп жүйелі синдром (22).

Жүктіліктің жеңіл формадағы бұл асқынулары әйелдердің 3% кездеседі, және көбіне анасы мен нәрестенің денсаулығына айтарлықтай әсер етпейді.

Преэклампсияның ауыр формасы жүкті әйелдердің 1-2% кездеседі (19).

Бұл кезде, ең алдымен бүйрек, бауыр, қан ұйыту жүйесі және ми, сонымен қатар бала жолдасы зақымданады. Преэклампсияның ауыр формасы анасы мен нәрестенің денсаулығына айтарлықтай зиянын тигізіп, тіпті өлімге де әкелуі мүмкін (25, 18). Дамыған елдерде эклампсия 2000 жүкті әйелдің біреуінде (34), дамып келе жатқан елдерде - жиілігі 1/100 ден 1/1700 дейінгі босануларда кездеседі (29). ҚР гестоз жүкті әйелдердің 15 - 27 % кездеседі (1). Эклампсия  дүние жүзіндегі ана өлімінің ең басты себебі болып отыр (10-15%) (16). Преэклампсияның пайда болуы себептерін түсіндірудің барлық әректі ешқандай нәтиже бермеді. Бүгінгі күні бұл асқынудың дамуының 30-дан аса теориясы белгілі. Профилактикасының тиімді әдісін іздеуден де, әзірше еш нәтиже шықпады. Сонымен, нәтижелілігі дәлелденген бірден-бір емдеу әдісі - анасы мен жаңа туған нәрестеге орынды көмек көрсете алатын, емдеу мекемелеріндегі босандыру болып отыр.

5. Жіктемесі: