III сайланған Алматы қаласы Мәслихаты XVI сессиясының «2005 - 2015 жылдарға арналған Алматы қаласының энергетика кешенін дамыту және жетілдіру бағдарламасын бекіту туралы»
2004 жылғы 26-маусымдағы шешімінің орындалу барысы туралы
Алматы қаласы Мәслихатының 2007 жылғы 12 желтоқсандағы № 54 шешімі
IV сайланған Алматы қаласының Мәслихаты III сайланған Алматы қаласы Мәслихаты XVI сессиясының «2005 — 2015 жылдарға арналған Алматы қаласының энергетика кешенін дамыту және жетілдіру бағдарламасын бекіту туралы» 2004 жылғы 26-маусымдағы шешімінің орындалу барысын қарай келе және Алматы қаласы Энергетика және коммуналдық шаруашылық департаментінің директоры Е.С.Оспановтың баяндамасын тыңдай келе бағдарламаны жүзеге асыру бойынша нысаналы жұмыс жүргізіп жатқандығын атап өтеді.
2008 жылы жаңа қуаттылықтарды енгізу жоспарланған «Орбита» қазандығы жаңғыртылуда және аталған қазаңдық пен Алматы қаласының оңтүстік бөлігін табиғи газбен қамтамасыз ету үшін күретамырлық газ құбыры мен № 1 газ бөлу бекетінің құрылысы аяқталды. «Алматы электр станциялары» АК-да ЖЭО (жылыту-энергетика орталығы) — 2,3 көздерінде градиренді жанғыртуды жобалау және № 8 қазандық-агрегатын орната отыра ЖЭО-2-ні кеңейту бойынша шаралар жүзеге асырылуда. «ҚазНИПИэнергопром» ЖШС ЖЭО-2 - ЖЭО-1 косу жылу күретамыры кұрылысының жобалық-сметалық құжаттамасын және ЖЭО-2-мен қатар жұмыс жасау мақсатында ЖЭО-1-ді жаңғырту жобасын әзірлеуде. ЖК-7 (жылу күретамыры) бірінші кезеңін, Манас көшесі бойынша Жандосов көшесінен бастап Абай даңғылына дейінгі ЖК-2 жаңғыртудың екінші кезеңін жаңғырту жобасы әзірленуде. Сондай-ақ күретамырлық жылу тораптарына ЖКС әзірленуде. Бұрынғы ведомстволық инженерлік тораптарға: жылу — 25,4 км, электр — 36,7 км, сукұбыры-канализация - 14,7 км авариялық-қалпына келтіру жұмыстары жүргізілуде. «Аққайың» шағын станциясын ауыстыру үшін алаң тандалынды. Электр беру кабельдік желісінің жолы келісілуде. Алматы қаласының электрмен жабдықталу сенімділігін көтеру мақсатында бекітілген кестеге сәйкес 26 кіші бекет бойынша құрылыс-монтаж және жобалау жұмыстары жүргізілуде.
