Шығыс Қазақстан облысы Өскемен қаласы әкімдігінің 2009 жылғы 2 сәуірдегі № 20 Қаулысымен күші жойылды
Өскемен қаласы әкімдігінің
2008 жылғы 21 ақпандағы
№ 5757 қаулысына
5 қосымша
«Жетім балаларды және ата-анасының қамқоршылығынсыз қалған балаларды өңірлік есепке қою» мемлекеттік қызметін көрсету стандарты
1. Жалпы ережелер
1. Осы стандарт жетім балаларды және ата-анасының қамқоршылығынсыз қалған балаларды өңірлік есепке қою бойынша мемлекеттік қызмет көрсету тәртібін анықтайды (бұдан әрі - мемлекеттік қызмет).
2. Көрсетілетін мемлекеттік қызметтің түрі ішінара автоматтандырылған.
3. Мемлекеттік қызмет Қазақстан Республикасының 1998 жылғы 17 желтоқсандағы «Неке және отбасы туралы» Заңының 101-бабының, Қазақстан Республикасы Үкіметінің 1999 жылғы 9 қыркүйектегі № 1346 қаулысымен бекітілген ата-анасының қамқорлығынсыз қалған балаларды орталықтандырылған есепке алуды ұйымдастыру Ережесінің 6 тармағының негізінде көрсетіледі.
4. Мемлекеттік қызметті Қасым Қайсенов көшесі, 10-а мекенжайы бойынша орналасқан, www.goroo.ukg.kz сайты, «Өскемен қаласының білім беру бөлімі» мемлекеттік мекемесі (бұдан әрі - Бөлім) көрсетеді.
5. Мемлекеттік қызметтің нәтижесі - өңірлік есепке қою және жетім балалар мен ата-аналарының қамқорлығынсыз қалған балалар туралы өңірлік деректер банкіне енгізу үшін мәлімет жіберу.
6. Мемлекеттік қызмет жеке тұлғаларға (бұдан әрі - тұтынушы) көрсетіледі.
7. Мемлекеттік қызмет көрсету кезіндегі уақыт бойынша шектеу мерзімдері:
1) мемлекеттік қызметті алу үшін тұтынушы қажетті құжаттарды тапсырған, тіркелген сәттен, талон алғаннан, электрондық сауал берген сәттен бастап мемлекеттік қызмет көрсету мерзімдері - 30 күннің ішінде;
2) қажетті құжаттарды тапсырған кезде кезек күтуге рұқсат берілген ең ұзақ уақыт - 1 сағаттың ішінде;
3) мемлекеттік қызмет көрсету нәтижесі ретінде құжаттарды алған кезде кезек күтуге рұқсат берілген ең ұзақ уақыт - 1 сағаттың ішінде.
8. Мемлекеттік қызмет тегін көрсетіледі.
