Тәуелсiз Мемлекеттер Достастығына қатысушы мемлекеттердiң
қарулы күштерi авиациясының ұшуын аэронавигациялық
ақпаратпен қамтамасыз ету туралы шарт
(Мәскеу қ., 2000 жылғы 25 қаңтар)
ҚР 2000 жылғы 14 желтоқсан № 121-II Заңымен бекітілді
Осы Шартқа қатысушы мемлекеттердің үкiметтерi атынан, бұдан әрi - Тараптар,
1992 жылғы 15 мамырдағы әуе кеңiстiгiн пайдалану туралы мемлекетаралық Келісімдi басшылыққа ала отырып,
Тәуелсiз Мемлекеттер Достастығына қатысушы мемлекеттердiң қарулы күштерi авиациясының Тараптардың әуе кеңiстiгiнде ұшу қауiпсiздiгiн қамтамасыз ету қажеттiгiн негізге ала отырып,
Тараптар қарулы күштерiнiң авиациясы үшiн аэронавигациялық ақпарат құжаттарын әзiрлеудi және шығаруды тәртiпке келтiруге ұмтыла отырып,
төмендегілер туралы шарт жасасты:
1-бап
Осы Шарттың мақсаттары үшiн төменде көрсетiлген терминдер мынаны бiлдiредi:
аэронавигациялық деректер - әуеайлақтардың сипаттамаларына және нақтылы жағдайына қатысты әуеайлақтар (әуе жүйелерi) туралы, әуеайлақтар ауданындағы әуе қозғалысының тәртібі, әуе трассалары және олардың радио-электронды бұйымдармен жабдықталуы туралы мәлiметтер, сондай-ақ ұшуды ұйымдастыру, орындау және басқару үшiн қажеттi басқа да мәлiметтер;
аэронавигациялық ақпарат - аэронавигациялық деректер беру (хабарлау);
аэронавигациялық ақпарат құжаттары - құрамында аэронавигациялық деректер бар баспа өнiмдерi (жинақтар, тiзiмдер, карталар және т.б.);
ұшуды аэронавигациялық ақпаратпен қамтамасыз ету - аэронавигациялық деректердi уақтылы беру (алмасу) жөнiнде Тараптар жүргізетiн шаралар кешенi;
аэронавигациялық ақпарат органы - Тараптардың қарулы күштерi авиациясының ұшуын аэронавигациялық деректермен қамтамасыз етудi жүзеге асыратын Тарап қорғаныс министрлігінiң органы (орталығы, қызмет бөлiмi, тобы).
2-бап
