Павлодар облысы әкімдігінің 2004 жылғы 14 маусымдағы «Аз қамтамасыз етілген отбасыларындағы және ата-анасының
қамқорлығынсыз қалған жалпы білім беретін мектеп түлектеріне облыстың жоғары оқу орындарындағы оқуына ақы төлеу үшін
әлеуметтік көмек тағайындау туралы» № 169/5 қаулысына өзгерістер енгізу туралы
Павлодар облысы әкімиятының 2008 жылғы 20 тамыздағы № 220/8 қаулысы
Павлодар облыстық әкімдігінің 2009.25.12. № 236/18 қаулысымен күші жойылды
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 27-бабы 1-тармағының 17)-тармақшасына, Қазақстан Республикасы Білім және ғылым министрінің 2008 жылғы 18 маусымдағы № 359 бұйрығына сәйкес аз қамтамасыз етілген отбасынан шыққан, жоғары оқу орындарында оқып жүрген студенттерге, жетім студенттерге әлеуметтік қолдау көрсету мақсатында облыс әкімдігі ҚАУЛЫ ЕТЕДІ:
1. Павлодар облысы әкімдігінің 2004 жылғы 14 маусымдағы «Аз қамтамасыз етілген отбасыларындағы және ата-анасының қамқорлығынсыз қалған жалпы білім беретін мектеп түлектеріне облыстың жоғары оқу орындарындағы оқуына ақы төлеу үшін әлеуметтік көмек тағайындау туралы» № 169/5 қаулысына (2007 жылғы 18 маусымда Павлодар облысы әділет басқармасының тізілімінде № 2621 нөмірмен тіркелген, 2004 жылғы 6 шілдедегі № 78 «Звезда Прииртышья газетінде, 2004 жылғы 8 шілдедегі № 80 «Сарыарқа самалы» газетінде жарияланған) мынадай өзгерістер енгізілсін:
көрсетілген қаулының 2-тармағындағы «60» деген сандар «45» деген сандармен ауыстырылсын;
көрсетілген қаулымен бекітілген Аз қамтамасыз етілген отбасыларындағы және ата-анасының қамқорлығынсыз қалған жалпы білім беретін мектеп түлектеріне облыстың жоғары оқу орындарындағы оқуына ақы төлеу үшін әлеуметтік көмек тағайындау ережесінде (бұдан әрі - Ереже):
