Қ.,Қазақстан Республикасының Үкіметі мен Біріккен Араб Әмірліктерінің Үкіметі арасындағы ұйымдасқан қылмысқа, терроризмге, есірткі құралдарының, психотроптық заттардың, олардың прекурсорлары мен аналогтарының заңсыз айналымына және өзге де қылмыс түрлеріне қарсы күрестегі ынтымақтастық туралы
келісім
(Астана қ., 2010 жылғы 13 мамырда)
ҚР Үкіметінің 2011 жылғы 3 қазандағы № 1130 Қаулысымен бекітілді
Қазақстан Республикасының Үкіметі мен Біріккен Араб Әмірліктерінің Үкіметі (бұдан әрі «Тараптар» деп аталатын),
ұйымдасқан қылмысқа және, атап айтқанда, есірткіге және терроризмге байланысты қылмысқа қарсы күресте екіжақты ынтымақтастыққа ортақ мүдделілік білдіре отырып;
ұйымдасқан қылмыс тарапынан қауіп пен қатерге қарсы тұру мақсатында ұйымдасқан қылмыстан, есірткі мен терроризмге байланысты қылмыстан туындайтын қауіпке барлық құқық қорғау ведомстволары арасында осы саладағы ынтымақтастықты кеңейту қажеттілігіне көз жеткізе отырып,
төмендегілер туралы келісті:
1-бап
1. Тараптар осы Келісімнің ережелеріне сәйкес:
1) ұйымдасқан қылмысқа;
2) есірткі құралдарының, психотроптық заттардың, олардың прекурсорлары мен аналогтарының заңсыз айналымына;
3) Тараптар мемлекеттерінің қауіпсіздігін қозғайтын терроризмге, экстремистік бағыттағы қылмыстарға, сондай-ақ оларды қаржыландыруға;
4) меншікке қарсы қылмыстарға;
5) улы, радиоактивті, жарылғыш заттардың, сондай-ақ ядролық, химиялық және биологиялық қару-жарақ контробандасына;
6) атыс қаруының және жарылғыш заттардың заңсыз айналымына;
7) шекарадан заңсыз өтуге;
8) адамдар саудасына;
9) жезөкшелікке байланысты қылмыстарға;
10) ақша купюраларын, бланкілер мен ресми құжаттарды қолдан жасауға;
11) заңсыз қаржы әрекеттеріне, қылмыстық жолмен алынған кірістерді заңдастыруға, оның ішінде ақшаны жылыстатуға және басқа да экономикалық қылмыстарға, сондай-ақ сыбайлас жемқорлыққа;
12) жоғары технологиялар саласындағы қылмыстарға;
