ҚР СТ 2.99-2006
Ыстық және суық су есептегіштері.
Типті бекіту мақсатында сынақтардың типтік бағдарламасы
Мазмұны
1. Қолдану саласы
2. Нормативтік сілтемелер
3. Анықтамалар
4. Жалпы ережелер
5. Техникалық құжаттаманы сараптау
6. Өлшем құралдары үлгілерін эксперименттік зерттеу
7. Эксперименттік зерттеулер жүргізу шарттары және әдістері
8. Сынау нәтижелерін рәсімдеу
А қосымшасы Есептегіштерді сынаудың типтік бағдарламасына қосымша титулды парақ пішіні
Б қосымшасы Нормативтік құжаттар және техникалық құжаттамалар талаптарына есептегіштердің
сыналған үлгілері сәйкестігінің ведомость пішіні
В қосымшасы Библиография
1. Қолдану саласы
Осы стандарт толық толтырылған жабық су құбыры арқылы ағатын суық және ыстық су (бұдан әрі - есептегіш) көлемін өлшеу үшін қолданылатын есептегіштерге, сондай-ақ есептегіш-шығын өлшегіштерге таратылады.
Осы стандарт қозғалыстың электрондық немесе электрлік ұстанымына негізделген есептегіштерге, сондай-ақ МР № 49-1 халықаралық ұсыныстар талаптарын ескере отырып дайындаушы-фирманың нормативтік және техникалық құжаттамасы бойынша (бұдан әрі - техникалық құжаттама) өндірілетін электрондық қондырғылармен жабдықталған механикалық ұстанымға негізделген есептегіштерге таратылады.
Осы стандарт есептегіштер типін бекіту мақсатында сынаулар жүргізудің типтік бағдарламасына қойылатын талаптарды белгілейді.
Осы стандарт талаптары өлшем бірлігін қамтамасыз ету саласында қызметін іске асыратын мемлекеттік метрологиялық қызметке, мемлекеттік басқару органдарына, жеке және заңды тұлғаларға таратылады.
2. Нормативтік сілтемелер
Осы стандартта мынадай стандарттарға сілтемелер қолданылды:
ҚР СТ 1.14-2004 Қазақстан Республикасының стандарттау мемлекеттік жүйесі. Ұйымдар стандарттары. Әзірлеу тәртібі және түрлері.
ҚР СТ 2.1-2000 Қазақстан Республикасының өлшем бірлігін қамтамасыз ету мемлекеттік жүйесі. Терминдер және анықтамалар.
ҚР СТ 2.6-2003 Қазақстан Республикасының өлшем бірлігін қамтамасыз ету мемлекеттік жүйесі. Өлшем құралдарының типін бекіту мақсатында сынақтар бағдарламасы. Негізгі талаптар.
