Қазақстан Республикасы Жоғарғы Сотының қылмыстық істер жөніндегі алқасының
2008 жылғы 26 наурыздағы № 2а-47-2-08 қаулысы
Қазақстан Республикасы Жоғарғы Сотының қылмыстық істер жөніндегі алқасы құрамында: төрағалық етуші алқа төрағасы А.Т. Жүкеновтің, судьялар М. Р. Әбілқайыров және 3. М. Мақашевтың, Қазақстан Республикасы Бас Прокурорының көмекшісі Ж. Курегеновтың қатысуымен ашық сот отырысында Б.К. Бакмановтың және жәбірленушінің апелляциялық шағымы бойынша түскен қылмысты істі қарап,
анықтағаны:
Батыс Қазақстан облыстық сотының 2007 жылғы 11 желтоқсандағы үкімімен
Бакманов Бейбіт Кайратұлы, 1987 жылы 11 маусымда, Батыс Қазақстан облысы, Тайпақ ауылында туған, ұлты қазақ, Қазақстан Республикасының азаматы, орта білімді, бойдақ, бұрын сотталмаған,
- ҚР ҚК 24-бабы 3 бөлігінің, 96-бабы 2-бөлігінің «а» тармағы бойынша ҚР ҚК 55-бабын қолдана отырып 6 жылға бас бостандығынан айыруға, ҚР ҚК 252-бабы 2-бөлігінің «б» тармағы бойынша 3 жылға бас бостандығынан айыруға, ҚР ҚК 251-бабының 2-бөлігі бойынша 3 жылға бас бостандығынан айыруга сотталған. ҚР ҚК 58-бабы 4-бөлігі негізінде жазаларын ішінара қосу жолымен оған түпкілікті жаза қатаң режимдегі түзету колониясында өтеуге 7 жылға бас бостандығынан айыру тағайындалған.
Гумаров Алибек Маратұлы, 12. 04. 1987 жылы тайпақ Батыс Қазақстанда, аулында туылған,қазақ, орта білімді, бұрын сотталмаған,
- ҚК 96 бабының 2 бөлігінің «а,е,ж,и» ақталған, ҚК 251 бабының 2 бөлігімен 3 жылға ҚК 252 бабының 2 бөлігімен 3 жыл 6 айға ҚК 58 бөлігіне 3 бөлігіне, ҚК 63 бабын қолданып 3 жыл 6 ай бас бостандығынан шартты жазаға сотталған.
Сот үкімімен Б.К. Бакманов оқ атқан әрекеттерімен жәбірленуші Д. Ислямғалиевке ауыр дене жарақаты, ал Е.Әжікеновке орташа ауырлықтағы дене жарақаты келтірілген. Бұдан басқа, Б.Бакмановпен А. Гумаров оқ ататын қарудан істелген шолақ мылтықты заңсыз жасаған, сақтаған және өздерімен бірге алып жүрген.
