Қазақстан Республикасы Жоғарғы сотының қылмыстық істер жөніндегі алқасының
2008 жылғы 27 ақпандағы № 2а-49-08 қаулысы
Бірінші сатылы соттың кұрамы:
судьялар Г.Ә. Байбосынова, Р.Е. Қабиев, Н.Ж Ізмағанбетов
Қазақстан Республикасы Жоғарғы сотының қылмыстық істер жөніндегі алқасы, құрамында судьялар А.А. Секишев, Н.К. Сингалиева және Е.Ж. Исмаилов, Қазақстан Республикасы Бас прокурорының көмекшісі Ж.Қ. Көрегеновтің қатысуымен ашық сот мәжілісінде Маңғыстау облыстық сотының 2007 жылдағы желтоқсан айының 06 күнгі үкіміне апелляциялық тәртібімен келтірген сотталған М.А. Қойшыевтың, адвокаттар С.С.Атенов пен А.Новрузовтың апелляциялық шағымдары бойынша келіп түскен қылмыстық істі қарап,
анықтағаны:
Маңғыстау облыстық сотының 2007 жылғы желтоқсан айының 06 күнгі үкімімен 1984 жылы маусым айының 08 жүлдызында дүниеге келген, бұрынғы соттылығы жойылған Қойшыев Махамбет Айтгалиевич, 1984 жылы наурыз айының 08 жүлдызында дүниеге келген, бұрын сотталмаған Османов Қаржаубай Алпамысович, 1986 жылы қазан айының 17 жұлдызында туылған, бұрынғы үш соттылығы жойылды деп танылған Төрехан Алмас Төреханұлы - әрқайсысы ҚР ҚК-нің 96 бабының 2 бөлігінің «ж» тармағымен 13 жылға бас бостандығынан айыруға, жазаны қатаң режимдегі түзеу колониясында өтеуге сотталған;
- бас бұлтартпау шаралары бұрынғысынша тұтқында қалдырылған;
- М.А. Қойшыевқа тағайындалған жазаның өтеу мерзімі 2007 жылдағы 14 сәуірден, К.А.Османовқа тағайындалған жазаның өтеу мерзімі 2007 жылдағы 28 тамыздан, А.Т. Төреханға тағайындалған жазаның өтеу мерзімі 2007 жылдағы 30 тамыздан бастап есепке алынған;
- іс бойынша айғақтық заттардың мәселесі шешілген.
