«Мүгедектерге әлеуметтік қызмет көрсету туралы» Қостанай облысы Қостанай қаласының әкімдігінің 2009 жылғы 13 қаңтардағы № 44 қаулысы (күші жойылды)

Мүгедектерге әлеуметтік қызмет көрсету туралы
Қостанай облысы Қостанай қаласының әкімдігінің 2009 жылғы 13 қаңтардағы № 44 қаулысы

Қостанай облысы Қостанай қаласы әкімдігінің 2010.11.01. № 38 қаулысымен күші жойылды

«Қазақстан Республикасында мүгедектерді әлеуметтік қорғау туралы» Қазақстан Республикасы Заңының 16-бабына, «Қазақстан Республикасындағы жергілікті мемлекеттік басқару туралы» Қазақстан Республикасы Заңының 31-бабы 1-тармағы 1)-тармақшасына сәйкес Қостанай қаласының әкімдігі ҚАУЛЫ ЕТЕДІ:

1. Бюджетті іске асыру мақсатында мүгедектердің пайдалануына бейімделген автомобиль көлігімен тірек-қозғалыс аппаратының қызметі бұзылған мүгедектерді тегін көлікпен тасымалдау бойынша әлеуметтік қызмет көрсету көзделсін.

2. Белгіленсін:

1) тегін көлікпен тасымалдау бойынша әлеуметтік қызметтерге тірек-қозғалыс аппаратының қызметі бұзылған мүгедек-балаларға және бірінші, екінші топтардағы мүгедектерге, сондай-ақ оларды жетектеп жүруші адамдарға көрсетіледі;