ҚР Білім және ғылым министрінің 2013 жылғы 29 мамырдағы № 206 бұйрығымен күші жойылды
Қазақстан Республикасы
Білім және ғылым министрінің
2009 жылғы 28 қаңтардағы
№ 27 бұйрығымен бекітілген
«Мектеп - балабақша» кешені қызметін ұйымдастырудың үлгі ережесі
1. Жалпы ережелер
1.Осы «мектеп - балабақша» кешені қызметін ұйымдастырудың үлгі ережесі (бұдан әрі - Ереже) «Қазақстан Республикасында мектепке дейінгі тәрбие мен оқытуды қолдау жөніндегі 2007-2009 жылдарға арналған іс-шаралар жоспарын бекіту туралы» Қазақстан Республикасы Үкіметінің 2007 жылғы 5 ақпандағы № 83 қаулысын іске асыру мақсатында әзірленген және «мектеп - балабақша» кешені (бұдан әрі - Кешен) қызметін ұйымдастырудың тәртібін анықтайды.
2. Кешен қызметі дара басшылық, өзін-өзі басқару принципінде, және үш жастан жеті жасқа дейінгі балаларға арналған мектепке дейінгі тәрбие мен оқыту, мектепалды даярлық, бастауыш, негізгі орта және жалпы орта білімнің білім беру бағдарламаларын іске асыратын білім беру ұйымы ретінде құрылады.
3. Кешен өз қызметінде «Білім туралы» Қазақстан Республикасының 2007 жылғы 27 шілдедегі Заңын және осы Ережені басшылыққа алады.
4. Кешен педагогтары мен қызметкерлерінің құқықтары, әлеуметтік кепілдіктері мен жеңілдіктері Қазақстан Республикасының заңнамасымен, Кешен Жарғысымен және Қазақстан Республикасының еңбек туралы заңнамасына қайшы келмейтін ұжымдық және жеке еңбек шартымен (келісім-шартпен) анықталады.
2. Кешен қызметін ұйымдастырудың тәртібі
5. Кешенді Қазақстан Республикасының қолданыстағы заңнамасына сәйкес жеке және заңды тұлғалар (құрылтайшылар) құрады.
6. Кешеннің негізгі міндеттері:
1) жеке тұлғаның ойлау, шығармашылық, рухани және физикалық мүмкіндіктерін дамыту, адамгершілік және салауатты өмір салтының берік негіздерін қалыптастыру;
2) жеке тұлғаны қалыптастыру мен дамытуға бағытталған ұлттық және қоғамдық құндылықтар, ғылым мен тәжірибенің жетістіктері негізінде сапалы білім алуға қажетті жағдайлар жасау;
