Сотталған Ж. жөнінде шығарылған Қызылорда қалалық сотының 2007 жылғы 13 тамыздағы үкімін және Қызылорда облыстық сотының қылмыстық істер жөніндегі алқасының 2007 жылғы 18 қыркүйектегі қаулысын өзгертуге, сотталғанның әрекеттерін ҚК-нің 175-бабының 3-бөлігінің «в» тармағынан ҚК-нің 175-бабының 1-бөлігіне ауыстырып саралап, осы баппен 2 (екі) жыл 6 (алты) айға бас бостандығынан айыру жазасын тағайындау туралы
Қазақстан Республикасы Жоғарғы Сотының қадағалау алқасының 2008 жылғы 15 қыркүйектегі № 4уп-99-08 Қаулысынан үзінді
Қазақстан Республикасы Жоғарғы Сотының қадағалау алқасы төрағаның, судьялардың, прокурордың қатысуымен сотталған Ж.-ның қадағалау шағымы бойынша қылмыстық істі қарады.
Қызылорда қалалық сотының 2007 жылғы 13 тамыздағы үкімімен Ж., 1972 жылы 2 қарашада туған, бұрын сотталған:
1) 10 шілде 2000 жылы ҚК-нің 175-бабының 2-бөлігінің «а», «в» тармақтарымен 2 жылға бас бостандығынан айыруға, ҚК-нің 63-бабының негізінде тағайындалған жаза шартты деп есептеліп, 1 жыл сынақ мерзімі белгіленген;
2) 9 шілде 2001 жылы ҚК-нің 257-бабының 1-бөлігімен, ҚК-нің 67-бабы қолданылып, қылмыстық іс қысқартылған;
3) 6 желтоқсан 2001 жылы ҚК-нің 175-бабының 1-бөлігімен 2 жылға бас бостандығынан айыруға, ҚК-нің 63-бабының негізіндө тағайындалған жаза шартты деп есептеліп, 1 жыл сынақ мерзімі белгіленген;
4) 10 шілде 2002 жылы ҚК-нің 175-бабының 1-бөлігімен 1 жылға бас бостандығынан айыруға, 2 сәуір 2003 жылы ҚК-нің 70-бабының талабына сәйкес, 2 ай 12 күнге мерзімінен бұрын шартты түрде босатылған;
5) 11 шілде 2003 жылы ҚК-нің 175-бабы 2-бөлігінің «б», «в» тармақтарымен, 60-баппен 2 жыл 1 айға бас бостандығынан айыруға, жазасын толық өтеген,
- ҚК-нің 175-бабының 3-бөлігінің «в» тармағымен 7 жылға бас бостандығынан айыруға, мүлкін тәркілеуге, жазаны қатаң режимдегі түзеу колониясында өтеугө сотталған.
