Адамдар тобы болып, аса қатыгездікпен кісі өлтірген И. және Т. жөніндегі үкімді өзгеріссіз қалдыру туралы
Қазақстан Республикасы Жоғарғы Сотының қылмыстық істер жөніндегі алқасының 2008 жылғы 12 қарашадағы
№ 2а-332-08 Қаулысынан үзінді
Қазақстан Республикасы Жоғарғы Сотының қылмыстық істер жөніндегі алқасы төрағаның, судьяларды, Қазақстан Республикасы Бас прокурорының аға көмекшісінің, қорғаушы А.-ның қатысуымен өткен ашық сот мәжілісінде Қызылорда облыстық сотының 2008 жылғы тамыздың 21 күні шығарылған үкіміне сотталған Т., И. және соңғының мүддесін қорғап жазған қорғаушы А.-ның апелляциялық шағымдарымен келіп түскен қылмыстық істі қарап,
АНЫҚТАҒАНЫ:
Қызылорда облыстық сотының үкімімен
И. 1980 жылғы 29 қыркүйекте Қызылорда қаласында туған, Қазақстан Республикасының азаматы, ұлты қазақ, бұрын сотталмаған,
- Қазақстан Республикасы ҚК-нің 96-бабының 2-бөлігінің «д», «ж» тармақтарымен 18 жылға бас бостандығынан айыруға, жазаны түзеу колониясының қатаң режимінде өтеуге сотталған. Өтеу мерзімі 2008 жылғы 10 сәуірден бастап есептелген.
Т. 1963 жылғы бтамызда Қызылорда қаласында туған, Қазақстан Республикасының азаматы, ұлты қазақ, бұрын сотталмаған,
- Қазақстан Республикасы ҚК-нің 96-бабының 2-бөлігінің «д», «ж» тармақтарымен 17 жылға бас бостандығынан айыруға, жазаны түзеу колониясының қатаң режимінде өтеуге сотталған. Өтеу мерзімі 2008 жылғы 10 сәуірден бастап есептелген.
Сотталған Т.-ны ҚК-нің 88-бабының 1-бөлігінің «г» тармағына сай жаза өтеу орнында маскүнемдіктен еріксіз емдеу тағайындалған.
Сотталған И. мен Т.-дан мемлекет кірісіне 30000 теңгеден сот шығыны өндірілген.
Іс бойынша айғақтық заттардың тағдыры дұрыс шешілген.
