Атырау облыстық сотының 9 сәуір 2008 жылғы М. жөніндегі үкімін өзгеріссіз
қалдыру, апелляциялық шағымын қанағаттандырмау туралы
Қазақстан Республикасы Жоғарғы Сотының қылмытық істер жөніндегі алқасының 2008 жылғы 11 маусымдағы
№ 2а-164-08 Қаулысынан үзінді
Қазақстан Республикасы Жоғарғы Сотының қылмыстық істер жөніндегі алқасы төрағаның, судьялардың, Қазақстан Республикасы Бас прокурорының аға көмекшісінің қатысуымен Астана қаласында өткен ашық сот мәжілісінде Атырау облыстық сотының 2008 жылғы сәуірдің 9 күнгі үкіміне апелляциялық тәртіппен келтірген сотталған М.-ның шағымымен келіп түскен қылмыстық істі қарап,
АНЫҚТАҒАНЫ:
Атырау облыстық сотының үкімімен
М., 18 маусым 1980 жылы Атырау облысы, Қызылқоға ауданы, Жасқайрат селосында туылған, ұлты қазақ, бұрын сотталмаған,
- Қазақстан Республикасы ҚК-нің 96-бабының 2-бөлігінің «к» тармағымен 11 жылға бас бостандығынан айыруға, ҚК-тің 120-бабының 2-бөлігінің «б» тармағымен 7 жылға бас бостандығынан айыруға, ҚК-тің 145-бабының 2-бөлігімен 1 жылға бас бостандығынан айыруға, ҚК-тің 58-бабының 4-бөлігінің талабына сай, қылмыстардың жиынтығы бойынша жазаларды ішінара қосу жолымен түпкілікті ақтық өтеуге 13 жылға бас бостандығынан айыруға, жазаны түзеу колониясының қатаң режимінде өтеуге сотталған.
Жаза өтеу мерзімі 2007 жылдың 13 желтоқсаннан есептелген.
ҚК-тің 88-бабының «г» тармағының талабы негізінде жаза өтеу орындарында маскүнемдік дертінен еріксіз емдеуге медициналық сипаттағы мәжбүрлеу шаралары қолданылған.
Іс бойынша айғақты заттардың мәселесі дұрыс шешілген.
