Атырау облыстық сотының 2007 жылғы 22 қарашадағы үкімін өзгеріссіз қалдыру туралы
Қазақстан Республикасы Жоғарғы Сотының қылмыстық істер жөніндегі алқасының 2008 жылғы 4 маусымдағы
№ 2а-169-08 Қаулысынан үзінді
Қазақстан Республикасы Жоғарғы Сотының қылмыстық істер жөніндегі алқасы төрағаның, судьялардың, Қазақстан Республикасы Бас Прокуратурасы Департаментінің аға прокурорының, сотталғанның қорғаушысы С.-ның, жәбірленуші Ә.-нің қатысуымен өткен ашық сот отырысында сотталғандардың және қорғаушының 2008 жылғы 31 наурыздағы Оңтүстік Қазақстан облыстық сотының алқабилерінің қатысуымен шығарған үкіміне келіп түскен апелляциялық шағымдары бойынша К. мен К.-ге қатысты қылмыстық істі қарады,
К., 1967 жылғы 20 мамырда Оңтүстік Қазақстан облысының Түркістан қаласында туылған, ұлты қазақ, Қазақстан Республикасының азаматы, бұрын сотталмаған,
- ҚК 24-бабының 3-бөлігі, 96-бабы 2-бөлігінің «е» тармағы бойынша 12 жылға бас бостандығынан айыруға, ҚК 257-бабы 2-бөлігінің «а» тармағы бойынша 2 жылға бас бостандығынан айыруға, ҚК 251-бабының 1-бөлігі бойынша 2 жылға бас бостандығынан айыруға сотталған. ҚК 58-бабы 4-бөлігінің негізінде жазаларды ішінара қосып, К.-ге түпкілікті 14 жылға бас бостандығынан айырып, жазаны түзеу колониясының қатаң режимінде өтеу тағайындалған. Жаза мерзімі 2007 жылғы 16 тамыздан бастап есептелген.
К., 1962 жылғы 22 қаңтарда Оңтүстік Қазақстан облысының Түркістан қаласында туылған, ұлты қазақ, Қазақстан Республикасының азаматы, бұрын сотталмаған
